آستانہ۔4جولائی(اے پی پی)وزیراعظم محمد شہباز شریف اسلامو فوبیا، ماحولیاتی تبدیلیاں، تنازعات اتے وبائی امراض دے سماجی و اقتصادی اثرات نال نمٹݨ کیتے اجتماعی اقدامات تے زور ݙیندے آکھیے جو اساں رل تے خود ارادیت، خودمختاری، علاقائی سالمیت اتے عدم مداخلت دا احترام کریندے ہوئے ہک منصفانہ اتے پرامن عالمی نظام ٻݨا سڳدے ہیں۔ سوشل میڈیا ایکس تے اپݨی پوسٹ اچ انہاں آکھیے جو میں ایس سی او پلس سربراہی اجلاس …
وزیراعظم دا اسلامو فوبیا، ماحولیاتی تبدیلیاں، تنازعات اتے وبائی امراض دے سماجی و اقتصادی اثرات نال نمٹݨ کیتے اجتماعی اقدامات تے زور
مزید خبراں
آستانہ۔4جولائی(اے پی پی)وزیراعظم محمد شہباز شریف اسلامو فوبیا، ماحولیاتی تبدیلیاں، تنازعات اتے وبائی امراض دے سماجی و اقتصادی اثرات نال نمٹݨ کیتے اجتماعی اقدامات تے زور ݙیندے آکھیے جو اساں رل تے خود ارادیت، خودمختاری، علاقائی سالمیت اتے عدم مداخلت دا احترام کریندے ہوئے ہک منصفانہ اتے پرامن عالمی نظام ٻݨا سڳدے ہیں۔ سوشل میڈیا ایکس تے اپݨی پوسٹ اچ انہاں آکھیے جو میں ایس سی او پلس سربراہی اجلاس نال خطاب اچ تنازعات کوں حل کرݨ، نسل اتے مذہب دی بنیاد تے نفرت اتے وانڄھ دی حوصلہ شکنی تے زور ݙتے۔ اسلامو فوبیا ماحولیاتی تبدیلیاں، تنازعات اتے وبائی امراض دے سماجی و اقتصادی آفٹر شاکس نال نمٹݨ کیتے اجتماعی کوششاں دی لوڑھ اے، ساکوں کثیرالجہتی نال عزم اتے اتحاد ݙکھاوݨا ہوسی۔ انہاں فلسطین اچ فوری قیام امن اتے اسرائیلی بربریت مکاوݨ دا آکھیے۔ اقوام متحدہ سارے پراݨے تنازعات دے پرامن حل کیتے اپݨیاں قرارداداں تے عملدرآمد کراوے، پاکستان کثیرالجہتی دا عزم ݙکھیندے 25۔2024 اچ اقوام متحدہ دی سلامتی کونسل دے غیر مستقل رکن ہوندے اہم کردار ادا کریسی، اساں رل تے خود ارادیت، خودمختاری، علاقائی سالمیت اتے عدم مداخلت دا احترام کریندے ہک منصفانہ اتے پرامن عالمی نظام ٻݨا سڳدے ہیں
