ملک اچ الیکٹرک گاݙیاں کوں ودھارا ݙیوݨ دی پالیسی آلے پاسے ویندے پئیوں، اسلام آباد اچ پہلے مرحلے اچ 30 الیکٹرک بساں پڄ ڳئن، اعظم نذیرتارڑ

اسلام آباد۔5جولائی  (اے پی پی) وفاقی وزیر قانون تے  انصاف اتے پارلیمانی امور اعظم نذیر تارڑ آکھیا جو ملک اچ الیکٹرک گاݙیاں کوں ودھارا ݙیوݨ دی پالیسی آلے پاسے ویندے پئیوں، اسلام آباد اچ پہلے مرحلے اچ 30 الیکٹرک بساں پڄ ڳئن۔ الیکٹرک بساں دے ڈپو اچ ہکے ویلھے 12 بساں دی چارجنگ تھی سڳدی اے۔ الیکٹرک بساں دے منصوبے دے پہلے مرحلے دا اڄ جمعے کوں افتتاح تھیندا پئے۔ اے ڳاݙیاں ماحول دوست ہن انہاں دے استعمال نال ایندھن دی وی بچت تھیسی۔ جمعے کوں سینیٹ اچ سوالاں دے وقفے اچ سینیٹر  دنیش کمار اتے ٻئے ارکان دے سوالاں دے ولدے اچ انہاں آکھیا جو مستقبل الیکٹرک ڳاݙیاں دا اے، اینکوں ودھارا ݙیوݨ دی لوڑھ اے۔ اسلام آباد کیتے الیکٹرک ڳاݙیاں درآمد کیتی ڳئن۔ اسلام آباد اچ پہلے مرحلے اچ 30 الیکٹرک بساں پڄ ڳئن۔ الیکٹرک بساں دے ڈپو اچ ہکے ویلھے 12 بساں دی چارجنگ تھی سڳدی اے۔ (م، ن/ ڈ،س،ک)12:54