پی ٹی آئی اپݨی ناکامی ݙیہدے جلسہ منسوخ کیتے اتے جعلی پروپیگنڈے دا مقصد ٻݙدی ساکھ بچاوݨ اے، وزیر دفاع

سیالکوٹ۔ 25 اگست(اے پی پی)وزیر دفاع خواجہ محمد آصف آکھیے جو پی ٹی آئی دا 22 اگست دا جلسہ منسوخ تھیوݨ اچ اسٹیبلشمنٹ دا کوئی عمل دخل کائنی، پی ٹی آئی اپݨی ناکامی ݙیہدے جلسہ منسوخ کیتے اتے جعلی پروپیگنڈے دا مقصد ٻݙدی ساکھ بچاوݨ اے۔ اے ڳالھ انہاں سیالکوٹ اچ پریس کانفرنس کریندے آکھی۔ انہاں آکھیا علیمہ خاں دی ڳالھ نال ثابت تھیندے جو پی ٹی آئی جعلی اتے فیک پروپیگنڈہ کر تے اپݨی سیاست چلاوݨ چاہندی اے، سوشل میڈیا تے بشریٰ بی بی اتے جیل سپریٹنڈنٹ دی تھیوݨ آلی ڳالھ دا کوئی وجود ہی کائنی، پی ٹی آئی دا اے جعلی بیانیہ اتے پروپیگنڈا پچھلے ہک سال توں چلدا پئے جیندا مقصد اپݨی ٻݙدی مقبولیت کوں بحال کرݨ اتے سیاسی دکانداری چمکاوݨ اے، پی ٹی آئی دا منصوبہ صیہونی ایجنڈا اے، بیرون ملک پی ٹی آئی دا مال لٹاوݨ دا مقصد صیہونی ایجنڈا تے عمل کرݨ اے ٻھل پاکستان ایندا مقابلہ کریندا رہسی، پورے ڄڳ اچ پاکستان مخالف 130 آرٹیکل چھاپیے ڳن ڄیڑھے پیسے ݙے تے لکھوائے ویندے پن، ایندی بینیفشری پی ٹی آئی اے۔ انہاں آکھیا جو جلسہ منسوخی دا سارا ڈرامہ علی امین گنڈا پور کیتے۔ وزیر دفاع 9 مئی بارے آکھیے جو 9 مئی واقعہ دے اسکرپٹ رائٹر، کردار اتے عمل درآمد کرݨ آلے ہݨ کھل تے الیندے پن۔