آرمی چیف جنرل سید عاصم منیر نال چین دی بری فوج دے سربراہ لی کیاومنگ دی ملاقات

راولپنڈی ۔26اگست(اے پی پی) پاک فوج دے سربراہ جنرل سید عاصم منیرنال  چین دی بری فوج دے سربراہ  لی کیاومنگ ملاقات کیتی جیں اچ سانجھی دلچسپی دے امورتے فوجی تعاون تکڑا کرݨ تے ڳالھ مہاڑ تھئی ۔ آئی ایس پی آر موجب پیپلز لبریشن آرمی گراؤنڈ فورسز دے کمانڈر جنرل لی کیاومنگ جنرل ہیڈ کوارٹرز اچ چیف آف آرمی سٹاف جنرل سید عاصم منیر نال ملاقات کیتی۔ملاقات اچ سانجھی دلچسپی دے امور تے تفصیلی غور کیتا ڳئے ، علاقائی سلامتی، فوجی تربیت اتے دفاع دے شعبے اچ تعاون ودھاوݨ تے امور تے ڳالھ مہاڑ کیتی ڳئی ۔آرمی چیف ݙوہیں ملکاں دی فوج وچال تعاون مزید تکڑا کرݨ تے زور ݙتا۔   مہمان شخصیت دہشتگردی اتے انتہا پسندی دے خلاف پاکستان دی موثر کوششاں دی تعریف کیتی ، چینی کمانڈر پاک فوج دی پیشہ وارانہ صلاحیتاں اتے جذبے دی وی تعریف کیتی۔ آرمی چیف چینی کمانڈر دا شکریہ ادا کیتا۔آرمی  چیف جنرل سید عاصم منیر آکھیے دفاعی تعاون ݙوہیں ملکاں وچال تکڑی بھرپی دی علامت اے ، پاکستان چین نال آپݨے پراݨے تعلق کوں وݙی اہمیت ݙیندے ۔ چینی کمانڈر جی ایچ کیو اچ یاد گار شہدا تے پُھل چڑھائے۔ جی ایچ کیو آوݨ تے چینی کمانڈر کوں پاک فوج دے چاق و چوبند دستے سلامی وی پیش کیتی