اسلام آباد۔28اکتوبر(اے پی پی) چیئرمین سینیٹ سید یوسف رضاگیلانی آکھیے او ویلنٹینا مٹوینیکو دے دورہ پاکستان توں پاکستان تے روس دے تعلقات دے ودھاوݨ سانڳے نویں رستے کھلسن ۔ سینیٹ سیکرٹریٹ توں جاری بیان موجب اے ڳالھ انھاں روسی فیڈریشن دی فیڈریشن کونسل دی سپیکر ویلنٹینا مٹوینیکو کوں آکھی جنہاں وفد دے رلے پارلیمنٹ ہاؤس اچ انھاں نال ملاقات کیتی ۔ ملاقات اچ ݙوہیں ملکاں وچال سفارتی ، معاشی، …
روس دی فیڈریشن کونسل دی سپیکر دے دورہ پاکستان نال سانجھے تعلقات ودھاوݨ دے نویں رستے کھلسن ، چیئرمین سینیٹ
اسلام آباد۔28اکتوبر(اے پی پی) چیئرمین سینیٹ سید یوسف رضاگیلانی آکھیے او ویلنٹینا مٹوینیکو دے دورہ پاکستان توں پاکستان تے روس دے تعلقات دے ودھاوݨ سانڳے نویں رستے کھلسن ۔ سینیٹ سیکرٹریٹ توں جاری بیان موجب اے ڳالھ انھاں روسی فیڈریشن دی فیڈریشن کونسل دی سپیکر ویلنٹینا مٹوینیکو کوں آکھی جنہاں وفد دے رلے پارلیمنٹ ہاؤس اچ انھاں نال ملاقات کیتی ۔ ملاقات اچ ݙوہیں ملکاں وچال سفارتی ، معاشی، تجارتی تے پارلیمانی تعلقات ودھاݨ دے امور تےڳالھ مہاڑ کیتی ڳئی ، چیئرمین سینیٹ آکھیے ویلنٹینا مٹوینیکو دے دورہ پاکستان توں پاکستان تے روس دے تعلقات ودھاوݨ دے نویں رستے کھلسن انھاں دے دورے توں علاقائی امن ،ترقی وخوشحالی ودھسی سید یوسف رضا گیلانی 2010 اچ اپݨے دورہ روس دے دوران صدر ولادی میر پیوٹن نال آپݨی ملاقات تے اوں ویلھے تھیوݨ آلے معاہدیں دا ذکر کریندے آکھیے پاکستان دی تیل تے گیس دے شعبیں سودھے انفراسٹرکچر دی بہتری سانڳے روس دی معاونت دی تعریف کریندوں ۔ پاکستان دے سینیٹ اچ موثر پاکستان روس دوستی گروپ بݨایا ڳئے ۔ عوامی سطح تے رابطے ودھاوݨ اچ عوامی نمائندے بہترین رہنمائی ݙے سڳدن ۔ سید یوسف رضا گیلانی آکھیے ݙوہیں ملکاں وچال موجودہ تجارتی حجم مزید ودھاوݨ سودھے ، مختلف شعبیں اچ سرمایہ کاری دے ودھارے سانڳے نویں موقع ڳولݨ دی لوڑھ اے ۔ نارتھ ۔ سائوتھ ٹرانسپورٹ راہداری ٻہوں اہم اے ۔ ایں موقع تے ویلنٹینا مٹوینیکو چیئرمین سینیٹ کوں شانداراستقبال تے خراج تحسین پیش کیتا تے آکھیے روس پاکستان نال آپݨے تعلقات کوں قدر دی نگاہ نال ݙیکھدے ۔ پاکستان نال تجارتی،اقتصادی ،سفارتی تعلقات مزید ودھائے ویسن پاکستان اچ سرمایہ کاری اچ ودھارے سودھے مختلف شعبیں اچ تعاون وی ودھایا ویسی۔ پاکستان تے روس وچال تعلقات تے اطمینان کریندوں انھاں آکھیے پارلیمانی تعلقات ودھاوݨ نال نہ صرف ݙوہیں ملکاں وچال تجارت تے سرمایہ کاری کوں ودھارا ملسی بلکہ عوام کوں ھک ݙوجھے دے نیڑے گھن آوݨ اچ وی مدد ملسی
