چیئرمین سینیٹ سید یوسف رضا گیلانی دا عالمی یومِ ذہنی صحت تے سنیھا، ذہنی صحت دے تحفظ تے آگاہی دی اہمیت تے زور

اسلام آباد۔10 اکتوبر (اے پی پی) چیئرمین سینیٹ سید یوسف رضا گیلانی عالمی یومِ ذہنی صحت دے موقع تے آپݨے سنیھے اچ آکھیا جو ذہنی صحت دا تحفظ ہک صحت مند، متوازن تے خوشحال معاشرے دی تشکیل کیتے ضروری اے۔ ذہنی صحت کوں جسمانی صحت دے برابر اہمیت ݙیوݨ تے ایں حوالے نال عوامی شعور اجاگر کرݨ ویلھے دی اہم لوڑھ اے۔ سینیٹ سیکرٹریٹ توں جاری سنیھے اچ چیئرمین سینیٹ آکھیا جو ذہنی دباؤ تے نفسیاتی مسائل دا سامنا کرݨ آلے افراد ہمدردی، احترام تے مناسب معاونت دے مستحق ہن۔ ذہنی صحت نال متعلق منفی روییاں دا خاتمہ، بروقت علاج تے رہنمائی تئیں رسائی یقینی بݨاوݨ ضروری اے۔ سید یوسف رضا گیلانی ایں امر تے زور ݙتا جو خاندان، تعلیمی ادارے، متعلقہ ادارے تے سول سوسائٹی ذہنی صحت دے فروغ کیتے مشترکہ کردار ادا کرن۔ انہاں آکھیا جو ایجھا سازگار ماحول تشکیل ݙیوݨ ضروری اے جتھا ہر فرد بلاجھجک آپݨی ذہنی مشکلات بیان کر سڳے اتے ضرورت دے مطابق مدد حاصل کر سڳے۔