بنوں اچ شہید تھیوݨ آلے میجر عاطف خلیل ، نائیک آزاد اللہ  تے لانس نائیک غضنفرعباس مکمل فوجی اعزاز نال سپرد خا ک

راولپنڈی ۔31اکتوبر(اے پی پی) بنوں دے علاقے بکاخیل اچ خوارج دے خلاف دوران آپریشن  بہادری نال لڑدے شہید تھیوݨ آلے میجرعاطف خلیل ، نائیک آزاد اللہ تے لانس نائیک غضنفر عباس کوں مکمل فوجی اعزازات نال انھاں دے آبائی علاقیں اچ سپرد خا ک کرݙتا ڳئے ۔ آئی ایس پی آر موجب میجرعاطف خلیل شہید دی نماز جنازہ اچ کور کمانڈر راولپنڈی اتے کور کمانڈر پشاور شرکت کیتی۔ شہداء دی نماز ِ جنازہ اتے تدفین اچ اعلیٰ عسکری وسول حکام،  پاک فوج دے نینگراں ، شہیداں دے لوحقین اتے عمائدین علاقہ دی وݙی تعداد شریک ہئی۔ آئی ایس پی آر آکھیے ساݙا عزم و حوصلہ اُچا اے تے شہیداں دیاں اے عظیم قربانیاں دہشتگردی دے خلاف جاری جنگ اچ ساݙی طاقت ہن۔