وزیراعظم شہباز شریف نال ترک وزیر الپرسلان بیریکتر دی ملاقات

اسلام آباد۔ 2 دسمبر(اے پی پی) وزیراعظم محمد شہباز شریف پاکستان اتے ترکیہ وچال ڈوطرفہ تعلقات دی چنڳی رفتار تے اطمینان کریندے ترکیہ نال توانائی، پٹرولیم اَتے معدنیات سودھا مختلف شعبیاں اچ تعاون کوں ٻیا ودھاوݨ دے پاکستان دے پکے عزم دا اعادہ کیتے۔ وزیراعظم آفس دے میڈیا ونگ ولوں جاری بیان موجب، وزیراعظم محمد شہباز شریف نال ترکیہ دے وزیر توانائی و قدرتی وسائل الپرسلان بیریکتر جیڑھے پاکستان دے سرکاری دورے تے ہن، منگل کوں وزیراعظم ہاؤس اچ ملاقات کیتی۔

پاکستان اَتے ترکیہ وچال تاریخی اَتے ٻھراواں آلے تعلقات تے زور ݙیندے وزیراعظم ڈوہیں ملکاں وچال ڈوطرفہ تعلقات دی چنڳی رفتار تے اطمینان کیتا اَتے ترکیہ نال خاص کر توانائی دے شعبے اچ تعاون کوں ٻیا ودھاوݨ کیتے پاکستان دا پکا عزم دوہرایا۔ وزیراعظم توانائی، پٹرولیم اَتے معدنیات دے شعبیاں اچ پاکستان اَتے ترکیہ وچال تعاون کوں ودھاوݨ دی اہمیت تے زور ݙتا۔ انہاں اطمینان کیتا جو ترکش پٹرولیم پاکستان اچ تیل ڳولݨ کیتے آف شور اَتے آن شور سرگرمیاں اچ شامل تھئی اے، جیڑھا جو توانائی دے شعبے اچ ڈوطرفہ تعاون اچ ہک اہم سنگ میل اے۔ انہاں ترک کمپنیاں کوں پاکستان دی توانائی دی مارکیٹ اچ سرمایہ کاری ودھاوݨ دی دعوت وی ݙتی۔ ایں سال صدر رجب طیب اردوان نال آپݨیاں کئی ملاقاتاں دا ذکر کریندے ہوئیں وزیراعظم تیزی نال بدلݨ آلے علاقائی اَتے عالمی ماحول دے تناظر اچ فریقین وچال قریبی رابطہ کاری کوں یقینی بݨاوݨ دی لوڑھ تے زور ݙتا۔ بیان موجب فریقین وچال ایں ڳالھ تے اتفاق کیتا ڳیا جو پاکستان دا وزارتی وفد تیکھے ترکیہ دا دورہ کریسی تاں جو ڈوہیں ملکاں وچال خاص کر توانائی اَتے بجلی دے شعبے اچ ٻیا تعاون ڳولیا ونڄ سڳے۔ ملاقات اچ نائب وزیراعظم و وزیر خارجہ سینیٹر محمد اسحاق ڈار، وزیر پٹرولیم علی پرویز ملک، وزیر پاور ڈویژن سردار اویس خان لغاری، وزیراعظم دے معاون خصوصی برائے خارجہ امور سید طارق فاطمی اَتے اعلیٰ حکومتی حکام وی موجود ہن۔ ڈوہیں راہنماواں ترکیہ اَتے پاکستان وچال کان کنی دے شعبے اچ مفاہمت دیاں یادداشتاں اَتے معاہدیاں دے تبادلے دا وی مشاہدہ کیتا۔

Islamabad : Prime Minister Muhammad Shehbaz Sharif and Alparslan Bayraktar, Minister of Energy and Natural Resources of the Republic of Turkiye witness exchange of MoUs/agreements between Turkiye and Pakistan in the field of Petroleum (Tuesday, 2 December, 2025).ڈوہیں ملکاں وچال ڈیڈ آف اسائنمنٹ -ایسٹرن آف شور انڈس-سی، پٹرولیم کنسیشن ایگریمنٹ زیارت نارتھ بلاک، پٹرولیم کنسیشن ایگریمنٹ سکھ پور-II بلاک، ڈیپ ایف بلاک ای بلاک ڈیپ ایف بلاک اَتے ایف بلاک ڈیپ بلاک دا تبادلہ تھیا۔