اسلام آباد۔ 3 دسمبر (اے پی پی) وفاقی وزیر انسانی حقوق سینیٹراعظم نذیر تارڑ نال یو این ویمن دی ریجنل ڈائریکٹر کرسٹین عرب یو این ویمن دے کنٹری نمائندہ جمشید قاضی دے رلے اِتّھاں وزارت انسانی دے دفتر وچ ملاقات کیتی اے۔ ملاقات وچ پاکستان وچ تریمتاں دے بااختیاری اَتے صنفی مساوات سانڳے کیتے ڳئے اقدامات تے ڳالھ مہاڑ کیتی ڳئی ۔ وزارت ولوں جاری پریس ریلیز موجب وفاقی وزیر …
وفاقی وزیر انسانی حقوق سینیٹراعظم نذیر تارڑ نال ریجنل ڈائریکٹر یو این ویمن دی ملاقات
مزید خبراں
اسلام آباد۔ 3 دسمبر (اے پی پی) وفاقی وزیر انسانی حقوق سینیٹراعظم نذیر تارڑ نال یو این ویمن دی ریجنل ڈائریکٹر کرسٹین عرب یو این ویمن دے کنٹری نمائندہ جمشید قاضی دے رلے اِتّھاں وزارت انسانی دے دفتر وچ ملاقات کیتی اے۔ ملاقات وچ پاکستان وچ تریمتاں دے بااختیاری اَتے صنفی مساوات سانڳے کیتے ڳئے اقدامات تے ڳالھ مہاڑ کیتی ڳئی ۔ وزارت ولوں جاری پریس ریلیز موجب وفاقی وزیر ݙسائے حکومتِ پاکستان تریمتاں دے حقوق کوں مضبوط بݨاوݨ کیتے ہر ممکن اقدامات کریندی پئی اے ، آئین، قوانین اَتے مختلف پالیسیاں دے ذریعے تریمتاں دی قومی زندگی وچ پوری شراکت کوں پکا بݨایا ویندا پئے اَتے انہاں کوں تشدد، امتیاز اَتے معاشی محرومی توں محفوظ رکھݨ تے خاص توجہ ݙتی ویندی پئی اے ۔ وفاقی وزیر وزارت انسانی حقوق، قومی کمیشن وقار نسواں (این سی ایس ڈبلیو)، قومی کمیشن انسانی حقوق (این سی ایچ آر)، فلاحی مراکز اَتے ہیلپ لائن 1099 دے کردار تے وی روشنی پاتی جیڑھا جو تریمتاں دے حقوق دے تحفظ اَتے قانونی، سماجی و مالی مدد ݙیندے پئن ۔ کرسٹین عرب پاکستان دیاں کامیابیاں دی تعریف کیتی جنہاں وچ نکی عمر دی شادی دے خلاف قوانین، صنفی پالیسیاں دا نفاذ، صنف دی بُنیاد تے تشدد دے خلاف ٹیکنالوجی دے استعمال اَتے قومی جینڈر ڈیٹا پورٹل شامل ہِن ۔ ملاقات وچ تریمتاں دے خلاف تشدد دے خاتمے دی قومی پالیسی اَتے مرداں کوں صنفی تشدد روکݨ وچ شامل کرݨ دی حکمت عملی تے وی ڳالھ کیتی ڳئی ۔ کرسٹین عرب پاکستان دے تریمتاں متعلق قوانین اَتے بین الاقوامی ذمے واریاں وچ فعال کردار دی تعریف کیتی اَتے حکومت دی تریمتاں دے حقوق کوں ودھاوݨ وچ قیادت دی تعریف کیتی ۔ ݙوہیں پاسوں مالی بااختیاری، قانونی تحفظ اَتے سماجی شراکت جیھے اہم مسئلیں تے تعاون جاری رکھݨ دی لوڑھ تے زور ݙتے۔ وفاقی وزیر یقین ݙیوایا حکومت یو این ویمن اَتے ٻئے بین الاقوامی شریک داراں نال رَل تے صنفی مساوات دی سمت تکھی رفتار اقدامات جاری رکھیسی ۔کرسٹین عرب بین الاقوامی برادری ولوں تعاون دا یقین ݙیوائے اَتے پاکستان دی ایں کوشش دی تعریف کیتی اے جو او ہک ایجھا معاشرہ بݨاوݨ چاہندے جِتھاں تریمتاں آپݨیاں پوریاں صلاحیتاں کوں استعمال کرسڳن
