اسلام آباد۔ 3 دسمبر (اے پی پی) کرغزستان دے صدر صادر ژپاروف ݙو ݙینھ دے دورے تے اسلام آباد پڄ ڳئن ، صدر مملکت آصف علی زرداری اَتے وزیراعظم شہباز شریف نورخان ایئربیس تے انہاں دا شاندار استقبال کیتے، وفاقی کابینہ دے رُکن اَتے اعلیٰ عہدے دار وی کرغزستان دے صدر دے استقبال کیتے موجود ہن ۔ کرغزستان دے صدر جہاز توں ٻاہر آئے تاں صدر مملکت آصف علی زرداری …
کرغزستان دے صدر صادر ژپاروف ݙو ݙینھ دے دورے تے اسلام آباد پُڄ ڳئن، صدر مملکت اَتے وزیراعظم نورخان ایئربیس تے انہاں دا شاندار استقبال کیتا
مزید خبراں
اسلام آباد۔ 3 دسمبر (اے پی پی) کرغزستان دے صدر صادر ژپاروف ݙو ݙینھ دے دورے تے اسلام آباد پڄ ڳئن ، صدر مملکت آصف علی زرداری اَتے وزیراعظم شہباز شریف نورخان ایئربیس تے انہاں دا شاندار استقبال کیتے، وفاقی کابینہ دے رُکن اَتے اعلیٰ عہدے دار وی کرغزستان دے صدر دے استقبال کیتے موجود ہن ۔ کرغزستان دے صدر جہاز توں ٻاہر آئے تاں صدر مملکت آصف علی زرداری کوں بھاکل پاتے جݙاں جو وزیراعظم محمد شہباز شریف وی انہاں نال پُرجوش مصافحہ کیتے۔ روایتی لباس وچ ملبوس نیاݨے کرغزستان دے صدر صادر ژپاروف کوں پھل پیش کیتے ۔ کرغزستان دے صدر دا ایں موقع تے صدر مملکت اَتے وزیراعظم نال خوشگوار جملیں دا تبادلہ تھئے۔ ݙوہیں ملکاں دے جھنڈے وٹھی نیاݨے معزز مہماناں کوں خوش آمدید آکھیا ۔ کرغزستان دے صدر کوں اسلام آباد پڄݨ تے 21 توپاں دی سلامی وی ݙتی ڳئی اَے۔ صدر صادر ژپاروف دورے دے دوران وزیراعظم محمد شہباز شریف اَتے صدر آصف علی زرداری نال ملاقاتاں کریسن ۔ او وزیراعظم شہباز شریف دی دعوت تے پاکستان دے ݙو ݙینھ دے دورے تے آئن ۔ دورے دے دوران کرغزستان دے صدر اسلام آباد وچ بزنس فورم نال وی خطاب کریسن ۔کرغزستان دے صدر دے نال وفد وچ اعلیٰ سرکاری عہدے دار اَتے کاروباری شخصیات وی شامل ہِن
