اسلام آباد۔ 3 دسمبر (اے پی پی) چیف جسٹس آف پاکستان/چیئرمین نیشنل جوڈیشل (پالیسی میکنگ) کمیٹی (این جے پی ایم سی) جسٹس یحییٰ آفریدی آکھیے شہری مرکزیت، شفافیت اَتے برابری تے مبنی انصاف کیتے جدید ٹیکنالوجی دا استعمال ضروری تھی چکی اے اتے موثر عدالتی نظام دی تعمیر کیتے ڈیجیٹل اصلاحات اہم حیثیت رکھیندی اے۔ اے ڳالھ انہں وفاقی جوڈیشل اکیڈمی اسلام آباد وچ منعقدہ مشاورتی ورکشاپ "نیشنل ای-کورٹ ریفارم …
موثر عدالتی نظام دی تعمیر کیتے ڈیجیٹل اصلاحات اہم حیثیت رکھیندی اے، چیف جسٹس سپریم کورٹ
مزید خبراں
اسلام آباد۔ 3 دسمبر (اے پی پی) چیف جسٹس آف پاکستان/چیئرمین نیشنل جوڈیشل (پالیسی میکنگ) کمیٹی (این جے پی ایم سی) جسٹس یحییٰ آفریدی آکھیے شہری مرکزیت، شفافیت اَتے برابری تے مبنی انصاف کیتے جدید ٹیکنالوجی دا استعمال ضروری تھی چکی اے اتے موثر عدالتی نظام دی تعمیر کیتے ڈیجیٹل اصلاحات اہم حیثیت رکھیندی اے۔ اے ڳالھ انہں وفاقی جوڈیشل اکیڈمی اسلام آباد وچ منعقدہ مشاورتی ورکشاپ “نیشنل ای-کورٹ ریفارم ایجنڈا لوڑھاں اَتے چیلنجز” نال خطاب کریندے آکھی ۔ ورکشاپ وچ سپریم کورٹ دے معزز جج جسٹس محمد علی مظہر، سیکرٹری وزارتِ آئی ٹی و ٹیلی کمیونیکیشن، چیئرمین پاکستان ڈیجیٹل اتھارٹی، سیکرٹری نیشنل کمیشن آن سٹیٹس آف ویمن، سیکرٹری لاء اینڈ جسٹس کمیشن، سپریم کورٹ و ساری ہائی کورٹس دے رجسٹرارز، آئی ٹی ماہراں اَتے مُلک بھر دے سینئر عدالتی افسراں شرکت کیتی اَے۔ چیف جسٹس ایں موقع تے نیشنل جوڈیشل آٹومیشن کمیٹی (این جے اے سی) دے کردار کوں سنگِ میل قرار ݙتے جیں دی سربراہی سپریم کورٹ دے جج جسٹس محمد علی مظہر کریندے پِن ۔ انہاں آکھیے این جے اے سی، این جے پی ایم سی دے تحت مُلک بھر دیاں عدالتاں وچ ڈیجیٹل اقدامات کوں ہم آہنگ کرݨ اَتے ہک جدید، موثر اَتے قابلِ رسائی عدالتی ڈھانچے دی تشکیل کیتے ادارہ جاتی بُنیاد فراہم کریندی پئی اے ۔ ورکشاپ دے دوران ہائی کورٹس دے رجسٹرارز اَتے پاکستان ڈیجیٹل اتھارٹی دے نمائندیں موجودہ ٹیکنالوجی ڈھانچے، ڈیجیٹلائزیشن وچ پیشرفت اَتے نِکیاں عدالتاں کوں سامݨے آوݨ آلے چیلنجز تے تفصیلی بریفنگ ݙتی ۔ شرکاء ہک مربوط قومی ای-کورٹ نظام، سانجھے ڈیجیٹل ماسٹر پلان اَتے عدالتی اداریں وچال موثر رابطیں (Interoperability) دے قیام تے زور ݙتا ۔ ورکشاپ دا اختتام آندے لائحہ عمل دی منظوری تے تھیا جیں وچ سسٹمز دیاں تکنیکی لوڑھاں دی نشاندہی، صارف کیتے سوکھے ڈیزائن تے مبنی سیشنز اَتے این جے پی ایم سی و این جے اے سی دی رہنمائی وچ قومی ڈیجیٹل جسٹس فریم ورک دی تیاری شامل اے۔
