راولپنڈی۔ 3 دسمبر (اے پی پی) چیف آف آرمی سٹاف فیلڈ مارشل سید عاصم منیر پاکستان اَتے سعودی عرب وچال مضبوط دفاعی تعاون تے اطمینان دا اظہار کریندے تربیت، صلاحیت وچ ودھارے اَتے انٹیلی جنس سانجھ کرݨ وچ لگاتار تعاون دی لوڑھ تے زور ݙتا ۔ پاک فوج دے شعبہ تعلقات عامہ (آئی ایس پی آر) ولوں جاری بیان موجب چیف آف آرمی سٹاف فیلڈ مارشل سید عاصم منیر نال …
چیف آف آرمی سٹاف فیلڈ مارشل سید عاصم منیر نال کمانڈر رائل سعودی لینڈ فورسز لیفٹیننٹ جنرل فہد بن سعود الجوھانی دی ملاقات
مزید خبراں
راولپنڈی۔ 3 دسمبر (اے پی پی) چیف آف آرمی سٹاف فیلڈ مارشل سید عاصم منیر پاکستان اَتے سعودی عرب وچال مضبوط دفاعی تعاون تے اطمینان دا اظہار کریندے تربیت، صلاحیت وچ ودھارے اَتے انٹیلی جنس سانجھ کرݨ وچ لگاتار تعاون دی لوڑھ تے زور ݙتا ۔ پاک فوج دے شعبہ تعلقات عامہ (آئی ایس پی آر) ولوں جاری بیان موجب چیف آف آرمی سٹاف فیلڈ مارشل سید عاصم منیر نال کمانڈر رائل سعودی لینڈ فورسز لیفٹیننٹ جنرل فہد بن سعود الجوھانی جنرل ہیڈکوارٹرز (جی ایچ کیو) راولپنڈی وچ ملاقات کیتی اے۔ ملاقات دے دوران آپت دے دلچسپی دے معاملیں، علاقائی سکیورٹی اَتے ݙو طرفہ دفاعی تعاون کوں مزید ودھاوݨ دے موقعیں تے ڳالھ مہاڑ کیتی ڳئی ۔ ݙوہیں پاسوں پاکستان دیاں مسلح فوجاں اَتے سعودی عرب وچال پراݨے تے بھرپی آلے تعلقات کوں مزید مضبوط بݨاوݨ دے عزم دا اعادہ کیتے۔ فیلڈ مارشل ݙوہیں مُلکاں وچال مضبوط دفاعی تعاون تے اطمینان دا اظہار کیتا اَتے تربیت، صلاحیت وچ ودھارے اَتے انٹیلی جنس سانجھ کرݨ وچ لگاتار تعاون دی لوڑھ تے زور ݙتے۔ کمانڈر رائل سعودی لینڈ فورسز پاک فوج دیاں پیشہ ورانہ صلاحیتاں دی تعریف کیتی اَتے خطے وچ امن و استحکام کیتے پاکستان دے مثبت کردار دی تعریف کیتی ۔ جی ایچ کیو پُڄݨ تے معزز مہمان کوں گارڈ آف آنر پیش کیتا ڳیا۔
