اسلام آباد۔ 16 دسمبر(اے پی پی)صدر مملکت آصف علی زرداری نال تاجکستان دے پاکستان اچ سفیر شریف زادہ یوسف توہیر ایوانِ صدر اچ ملاقات کیتی۔ ایں موقع تے صدرِ مملکت پاکستان اَتے تاجکستان وچال مضبوط اَتے ہر پاسوں تعلقات دی توثیق کریندے آکھیا جو پاکستان 1992 اچ تاجکستان نال سفارتی تعلقات قائم کرݨ آلے پہلے ملکاں اچ شامل ہا۔ انہاں آکھیا جو ݙوہاں ملکاں وچال تجارت، معاشی تعاون، دفاع اَتے …
صدر مملکت آصف علی زرداری نال تاجک سفیر شریف زادہ یوسف توہیر دی ملاقات
اسلام آباد۔ 16 دسمبر(اے پی پی)صدر مملکت آصف علی زرداری نال تاجکستان دے پاکستان اچ سفیر شریف زادہ یوسف توہیر ایوانِ صدر اچ ملاقات کیتی۔ ایں موقع تے صدرِ مملکت پاکستان اَتے تاجکستان وچال مضبوط اَتے ہر پاسوں تعلقات دی توثیق کریندے آکھیا جو پاکستان 1992 اچ تاجکستان نال سفارتی تعلقات قائم کرݨ آلے پہلے ملکاں اچ شامل ہا۔ انہاں آکھیا جو ݙوہاں ملکاں وچال تجارت، معاشی تعاون، دفاع اَتے سلامتی دے شعبیاں اچ تعاون ودھدا پئے۔ صدر آصف علی زرداری تاجکستان کوں وسطی ایشیا کیتے ھک پُل قرار ݙیندے علاقائی رابطہ کاری کوں بہتر بݨاوݨ دی اہمیت دا ݙسایا اتے براہِ راست پروازاں دی بحالی اَتے سڑک اَتے ریل رابطیاں اچ بہتری کیتے کوششاں دی حوصلہ افزائی کیتی۔ انہاں خاص کر توانائی دے شعبے اچ سرمایہ کاری ودھاوݨ تے زور ݙِتا اَتے کاسا 1000 منصوبے دی ویلھے سَر تکمیل کیتے پاکستان دا عزم دوہرائے۔
