اسلام آباد۔23 ستمبر(اے پی پی)وفاقی وزیر داخلہ محسن نقوی بلوچستان دے مختلف علاقیاں اچ دہشت گرداں دے خلاف کامیاب کارروائیاں تے سکیورٹی فورسز کوں زبردست خراجِ تحسین پیش کیتے۔ انہاں 19 دہشت گرداں کوں جہنم واصل کرݨ تے فورسز دی جرات تے اعلیٰ پیشہ وارانہ صلاحیتیاں کوں سراہندے آکھیا جو سکیورٹی فورسز دے بہادر سپوت پوری قوم دا ماݨ ہین اتے صوبے اچ امن دشمناں دے خلاف پوری قوت نال …
بلوچستان اچ سکیورٹی فورسز دے کامیاب آپریشنز اچ 19 دہشتگرد جہنم واصل، وزیر داخلہ محسن نقوی دا فورسز کوں خراجِ تحسین
مزید خبراں
اسلام آباد۔23 ستمبر(اے پی پی)وفاقی وزیر داخلہ محسن نقوی بلوچستان دے مختلف علاقیاں اچ دہشت گرداں دے خلاف کامیاب کارروائیاں تے سکیورٹی فورسز کوں زبردست خراجِ تحسین پیش کیتے۔ انہاں 19 دہشت گرداں کوں جہنم واصل کرݨ تے فورسز دی جرات تے اعلیٰ پیشہ وارانہ صلاحیتیاں کوں سراہندے آکھیا جو سکیورٹی فورسز دے بہادر سپوت پوری قوم دا ماݨ ہین اتے صوبے اچ امن دشمناں دے خلاف پوری قوت نال آپریشنز جاری رہسن۔ وزارتِ داخلہ توں جاری بیان دے مطابق وزیر داخلہ آکھیا جو بلوچستان دے علاقیاں شعبان، کوئٹہ ویسٹ تے کیچ اچ فتنۃ الہندوستان اتے فتنۃ الخوارج دے دہشت گرداں دے خلاف کامیاب انٹیلی جنس بیسڈ آپریشنز کیتے ڳئے ڄنہاں اچ 19 دہشت گرداں کوں کیفرِ کردار تئیں پچایا ڳیا۔ انہاں فتنۃ الخوارج دے دہشتگرداں دا بہادری نال مقابلہ کریندے شہید تھیوݨ والے سکیورٹی فورسز دے بہادر سپوت صوبیدار محمد جمیل کوں وی خراجِ عقیدت پیش کیتا۔ محسن نقوی آکھیا جو صوبیدار محمد جمیل وطنِ عزیز تے جان نثار کر تے شہادت دا عظیم رتبہ پاتے اتے قوم دے پرامن کل کیتے اپݨا اڄ وار تے شجاعت دی لازوال مثال قائم کیتی اے ۔
