امریکہ ایران جنگ بندی کیتے کوششاں جاری، امید نئیں چھوڑی، وزیر اعظݨ شہباز شریف دا اقوام متحدہ دے ہیڈکوارٹر اچ حقِ ترقی اعلامیے دی 40 ویں سالگرہ سانڳے اعلیٰ سطح اجلاس نال خطاب

نیویارک۔23 ستمبر(اے پی پی)وزیر اعظم شہباز شریف آکھیے جو امریکہ ایران جنگ بندی کیتے کوششاں جاری ہین، اساں امن دی امید نئیں بالکل نئیں چھوڑی۔ اے ڳالھ انہاں نیویارک اچ اقوام متحدہ دے ہیڈکوارٹر اچ حقِ ترقی دے اعلامیے دی 40ویں سالگرہ دے موقع تے تھیوݨ آلے اعلیٰ سطح اجلاس نال خطاب اچ آکھی۔ اپݨے خطاب اچ وزیر اعظم شہباز شریف آکھیے جو ہر ڄݨے کوں بہتر مستقبل دی تلاش دا حق حاصل اے۔ انہاں آکھیا جو حقِ ترقی دا اعلامیہ 40 سال پہلے ترقی کوں عوام دا ناقابلِ تنسیخ حق قرار ݙے چکے، ایں اعلامیے دا سنیہا بالکل واضح ہئی، ترقی دا مقصد صرف دولت دا حصول نئیں ہووݨا چاہیدا ٻھل ایندا بنیادی مقصد سماجی ترقی اتے انسانی وقار دا تحفظ ہووݨا چاہیدے۔ وزیر اعظم دا آکھݨ ہئی جو ترقی پذیر دنیا اچ قرضیاں دی ادائیگی مالی گنجائش کوں محدود کریندی پئی اے، ڄیندے نال ترقیاتی اہداف دے حصول اچ اوکھ آندا پئے۔ بعد اچ نیویارک اچ میڈیا نال الیندے ہوئے وزیر اعظم شہباز شریف آکھیا جو پاکستان امریکہ اتے ایران وچال جنگ بندی کیتے کوششاں کریندا پئے۔ انہاں دا آکھݨ ہئی جو امریکہ ایران جنگ بندی دے حوالے نال پاکستان امید نئیں چھوڑی اتے امن کیتے کوششاں جاری رکھیاں ہوئن۔ وزیر اعظم مزید آکھیا جو پاکستان خطے اچ امن چاہندے اتے امن و استحکام کیتے اپݨا کردار ادا کریندا رہسی۔