لاہور۔ 16 دسمبر(اے پی پی)وزیر اعلیٰ مریم نواز پنجاب دے بے گھر صنعتی ورکرز دے نویں تعمیر کیتے ڳئے 720 فلیٹس دی قرعہ اندازی کر ݙِتی اے۔ وزیر اعلیٰ آپ بٹن ݙبا تے قرعہ اندازی کیتی اتے کامیاب صنعتی ورکرز کوں آپ فون کر تے مبارکباد ݙتی۔ انہاں آکھیا جو ما ڄھیں ریاست 720 محنت کَش خانداناں کوں انہاں دے آپݨے گھراں اچ وساوݨ دا انتظام کر ݙِتے۔ وزیر اعلیٰ …
پنجاب دے بے گھر صنعتی ورکرز دے نویں تعمیر کیتے 720 فلیٹس دی قرعہ اندازی
لاہور۔ 16 دسمبر(اے پی پی)وزیر اعلیٰ مریم نواز پنجاب دے بے گھر صنعتی ورکرز دے نویں تعمیر کیتے ڳئے 720 فلیٹس دی قرعہ اندازی کر ݙِتی اے۔ وزیر اعلیٰ آپ بٹن ݙبا تے قرعہ اندازی کیتی اتے کامیاب صنعتی ورکرز کوں آپ فون کر تے مبارکباد ݙتی۔ انہاں آکھیا جو ما ڄھیں ریاست 720 محنت کَش خانداناں کوں انہاں دے آپݨے گھراں اچ وساوݨ دا انتظام کر ݙِتے۔ وزیر اعلیٰ بیوگان اَتے سپیشل بندیاں کوں قرعہ اندازی توں انڄھ کر تے اپلائی کرݨ آلیاں کوں فلیٹ ݙیوݨ دا حکم ݙِتا، اَتے سپیشل صنعتی ورکرز کوں آسانی اَتے تحفظ کیتے گراؤنݙ فلور تے فلیٹس ݙیوݨ دی ہدایت کیتی۔ وزیر اعلیٰ ٻئے 1872 فلیٹس آوݨ آلے 18 مہینیاں اچ مکمل کرݨ دا حکم ݙِتے اَتے شیخوپورہ اچ قائداعظم بزنس پارک اچ 700 ورکرز کیتے بیچلر ہاسٹل دی ترائے مہینیاں اچ تکمیل دی ہدایت کیتی۔ بریفنگ اچ ݙسایا ڳیا جو ورکر ویلفیئر کمپلیکس، سندر انڈسٹریل سٹیٹ فیز ون کیتے5897 ورکرز اہل قرار ݙتے ڳن۔
