راولپنڈی۔ 18 دسمبر(اے پی پی)چیف آف ڈیفنس فورسز، آرمی چیف فیلڈ مارشل سید عاصم منیر لیبیا دے سرکاری دورے اچ لیبیائی عرب مسلح افواج دے کمانڈر انچیف فیلڈ مارشل خلیفہ بالقاسم حفتر اتے ڈپٹی کمانڈر انچیف لیفٹیننٹ جنرل صدام خلیفہ حفتر نال ملاقات کیتی۔ آئی ایس پی آر دے مطابق، فیلڈ مارشل عاصم منیر دی آمد تے لیبیائی مسلح افواج دے ہک چاک و چوبند دستے فیلڈ مارشل کوں گارڈ …
چیف آف ڈیفنس فورسز فیلڈ مارشل سید عاصم منیر دی لیبیائی عرب مسلح افواج دے حکام نال ملاقات
راولپنڈی۔ 18 دسمبر(اے پی پی)چیف آف ڈیفنس فورسز، آرمی چیف فیلڈ مارشل سید عاصم منیر لیبیا دے سرکاری دورے اچ لیبیائی عرب مسلح افواج دے کمانڈر انچیف فیلڈ مارشل خلیفہ بالقاسم حفتر اتے ڈپٹی کمانڈر انچیف لیفٹیننٹ جنرل صدام خلیفہ حفتر نال ملاقات کیتی۔ آئی ایس پی آر دے مطابق، فیلڈ مارشل عاصم منیر دی آمد تے لیبیائی مسلح افواج دے ہک چاک و چوبند دستے فیلڈ مارشل کوں گارڈ آف آنر پیش کیتے۔ فیلڈ مارشل اتے خلیفہ حفتر وچال ملاقات اچ آپسی دلچسپی دے معاملے، علاقائی سلامتی دی صورتحال تے ڈوہائیں پاسوں دفاعی و عسکری تعاون ودھاوݨ دے طریقے کار تے گالھ مہاڑ کیتی گئی۔ ڈوہائیں پاسوں ٹریننگ، کم کرݨ دی صلاحیت اچ اضافے تے دہشت گردی مکاوݨ دے شعبیاں اچ تعاون دی اہمیت تے زور ڈتا گیا۔ فیلڈ مارشل سید عاصم منیر سانجھے فائدے دی بنیاد تے لیبیا نال دفاعی تعلقات مضبوط بݨاوݨ کیتے پاکستان دے عزم دا اعادہ کیتا۔ فیلڈ مارشل خلیفہ حفتر پاک مسلح افواج دی پیشہ ورانہ مہارت دی تعریف کیتی اتے ڈوہائیں ملکاں وچال دفاعی تعاون کوں ٻیا ودھاوݨ دی خواہش ݙسی۔
