اسلام آباد۔18دسمبر(اے پی پی) وزیراعظم محمد شہباز شریف لانس نائیک محمد محفوظ شہید سدھا مادر وطن دے دفاع کیتے اپݨی جاناں دے نذرانے پیش کرݨ والے شہداء کوں خراج عقیدت پیش کریندے آکھیے جو پاکستانی قوم کوں اپݨے شہداء تے ماݨ اے، ساڈے بہادر سپوت ہی پاکستان دے ناقابل تسخیر دفاع دی ضمانت ہن۔ لانس نائیک محمد محفوظ شہید (نشان حیدر) دے یوم شہادت تے اپݨے سنیہے اچ وزیر اعظم …
وزیراعظم دا لانس نائیک محمد محفوظ شہید سودھا مادر وطن کیتے جاناں وارݨ آلے شہداء کوں خراج عقیدت
اسلام آباد۔18دسمبر(اے پی پی) وزیراعظم محمد شہباز شریف لانس نائیک محمد محفوظ شہید سدھا مادر وطن دے دفاع کیتے اپݨی جاناں دے نذرانے پیش کرݨ والے شہداء کوں خراج عقیدت پیش کریندے آکھیے جو پاکستانی قوم کوں اپݨے شہداء تے ماݨ اے، ساڈے بہادر سپوت ہی پاکستان دے ناقابل تسخیر دفاع دی ضمانت ہن۔ لانس نائیک محمد محفوظ شہید (نشان حیدر) دے یوم شہادت تے اپݨے سنیہے اچ وزیر اعظم آکھیا جو لانس نائیک محمد محفوظ شہید 1971 اچ واہگہ اٹاری سیکٹر اچ دشمن دی پیش قدمی دی اینجھی بے مثال دلیری نال مقابلہ کیتا جیکوں تاریخ اچ یاد رکھیا ویسی۔ وزیراعظم آکھیے جو لانس نائیک محمد محفوظ شہید ڄھئیں بہادر سپوت ہی پاکستان دے ناقابل تسخیر دفاع دی ضمانت ہن۔ انہاں آکھیا جو 1971 اچ لانس نائیک محمد محفوظ شہید اپݨی جرأت، دلیری اتے بہادری نال ثابت کیتے جو پوری قوم دفاع وطن کیتے سیسہ پلائی دیوار اے، بزدل دشمن دے وار نال زخمی تھیوݨ دے باوجود لانس نائیک محمد محفوظ شہید میدان جنگ اچ دشمن دا مقابلہ کریندے ہوئیں تاریخ رقم کیتی اے، انھاں دی میدان جنگ اچ تاریخی بہادری آوݨ والی نسلاں کیتے وی مشعل راہ اے۔(
