اسلام آباد۔18دسمبر(اے پی پی) وفاقی وزیر برائے منصوبہ بندی، ترقی و خصوصی اقدامات پروفیسر احسن اقبال آکھیے جو دنیا اچ ٹیکنالوجی ہک نواں انقلاب ڳھن آ چکی اے جیندے کیتے پاکستان دیاں یونیورسٹیاں کوں نویں معیشت دے تقاضیاں دے مطابق ڈھالݨا ہوسی۔ ہائیڈ (HYDE) ولوں نیشنل لیڈرشپ ڈائیلاگ دی تقریب نال خطاب اچ انہاں آکھیا جو’’اُڑان پاکستان‘‘ دا بنیادی مقصد یونیورسٹیاں کوں صرف تعلیمی اداریاں دے بجائے ٹیلنٹ اتے جدت …
جامعات کوں انڈسٹری، زراعت، ٹیکنالوجی تے مستقبل اچ درپیش مسائل دے حل اچ قائدانہ کردار ادا کرݨا ہوسی، وفاقی وزیر پروفیسر احسن اقبال
اسلام آباد۔18دسمبر(اے پی پی) وفاقی وزیر برائے منصوبہ بندی، ترقی و خصوصی اقدامات پروفیسر احسن اقبال آکھیے جو دنیا اچ ٹیکنالوجی ہک نواں انقلاب ڳھن آ چکی اے جیندے کیتے پاکستان دیاں یونیورسٹیاں کوں نویں معیشت دے تقاضیاں دے مطابق ڈھالݨا ہوسی۔ ہائیڈ (HYDE) ولوں نیشنل لیڈرشپ ڈائیلاگ دی تقریب نال خطاب اچ انہاں آکھیا جو’’اُڑان پاکستان‘‘ دا بنیادی مقصد یونیورسٹیاں کوں صرف تعلیمی اداریاں دے بجائے ٹیلنٹ اتے جدت (انوویشن) دی فیکٹریاں اچ تبدیل کرݨے۔ یونیورسٹیاں کوں کتابی اتے روایتی تحقیق توں اگو ودھ تے قومی ترقی کیتے کارآمد اتے مسئلہ حل کرݨ آلی ریسرچ کرݨی ہوسی۔ یونیورسٹی ریسرچ کوں اسٹارٹ اپس اتے کمرشل مصنوعات اچ تبدیل کرݨ دے نظام کوں مضبوط بݨاوݨ دی لوڑھ اے۔ انہاں آکھیا جو پاکستان کوں وی اپݨی مصنوعات اچ ویلیو ایڈیشن اتے برانڈنگ دے ذریعے برآمدات ودھاوݨی ہوسن، جامعات صرف نصابی سرگرمیاں تئیں محدود نہ رہون ٻھل قومی اتے اقتصادی ترقی اچ فعال کردار ادا کرن۔ تعلیمی معیار کوں بہتر بݨاوݨ کیتے ست نکاتی ایجنڈے تے عملی اقدامات جاری ہن، جیندے مثبت نتائج تیکھے سامݨے آسن۔
