اسلام آباد۔18دسمبر(اے پی پی) نائب وزیراعظم اتے وزیر خارجہ سینیٹر محمد اسحاق ڈار دی زیر صدارت کھاد دے شعبے کوں گیس ݙیوݨ بارے معاملیاں تے غور کرݨ کیتے بݨائی گئی کمیٹی دا اجلاس تھئے۔ اجلاس اچ موجودہ گیس سپلائی دے تسلسل اتے یوریا دی طویل المدتی پیداوار کیتے مستقبل اچ گیس ݙیوݨ کوں محفوظ بݨاوݨ تے تفصیلی ڳالھ مہاڑ کیتی گئی۔ نائب وزیراعظم اتے وزیر خارجہ کساناں کیتے مناسب قیمتاں …
نائب وزیراعظم محمد اسحاق ڈار دی زیر صدارت کھاد دے شعبے کوں گیس ݙیوݨ بارے کمیٹی دا اجلاس
اسلام آباد۔18دسمبر(اے پی پی) نائب وزیراعظم اتے وزیر خارجہ سینیٹر محمد اسحاق ڈار دی زیر صدارت کھاد دے شعبے کوں گیس ݙیوݨ بارے معاملیاں تے غور کرݨ کیتے بݨائی گئی کمیٹی دا اجلاس تھئے۔ اجلاس اچ موجودہ گیس سپلائی دے تسلسل اتے یوریا دی طویل المدتی پیداوار کیتے مستقبل اچ گیس ݙیوݨ کوں محفوظ بݨاوݨ تے تفصیلی ڳالھ مہاڑ کیتی گئی۔ نائب وزیراعظم اتے وزیر خارجہ کساناں کیتے مناسب قیمتاں تے کھاد دی پائیدار دستیابی یقینی بݨاوݨ، سپلائی چین کوں تکڑا کرݨ، قیمتاں اچ استحکام، فصلاں دی بہتر پیداوار اتے قومی غذائی تحفظ دے ودھارے تے زور ݙتے۔ اجلاس اچ وفاقی وزراء برائے توانائی، پٹرولیم، قومی غذائی تحفظ، اقتصادی امور اتے موسمیاتی تبدیلی، وزیراعظم دے معاون خصوصی طارق باجوہ، بجلی و پٹرولیم دیاں وزارتوں دے سیکرٹریز، چیئرمین ایف بی آر اتے ٻئے اعلیٰ افسران شرکت کیتی۔ اجلاس اچ طے کیتاں ڳئیاں سفارشات وزیراعظم کوں پیش کیتاں ویسن۔
