اسلام آباد۔ 19 دسمبر(اے پی پی)لوک ورثہ اسلام آباد اچ پاک-تاجک ثقافتی فیسٹیول ویک دی افتتاحی تقریب تھئی جیندے اچ وفاقی وزیر قومی ورثہ و ثقافت ڈویژن اورنگزیب خان کھچی، تاجکستان دی وزیرِ ثقافت ستوریون متلوباخون امونزود، وزیرِ مواصلات عبدالعلیم خان، تاجک سفیر اتے ٻیاں سفارتی شخصیات شرکت کیتی۔ اپݨے خطاب اچ وفاقی وزیر اورنگزیب خان کھچی آکھیے جو پاک-تاجک ثقافتی فیسٹیول ݙوہاں برادر ملکاں دی ڳھاٹی سنڳت اتے تاریخی …
پاک-تاجک ثقافتی فیسٹیول ویک: فن و موسیقی نال قوماں نیڑے آندن،وفاقی وزیر اورنگزیب کھچی
اسلام آباد۔ 19 دسمبر(اے پی پی)لوک ورثہ اسلام آباد اچ پاک-تاجک ثقافتی فیسٹیول ویک دی افتتاحی تقریب تھئی جیندے اچ وفاقی وزیر قومی ورثہ و ثقافت ڈویژن اورنگزیب خان کھچی، تاجکستان دی وزیرِ ثقافت ستوریون متلوباخون امونزود، وزیرِ مواصلات عبدالعلیم خان، تاجک سفیر اتے ٻیاں سفارتی شخصیات شرکت کیتی۔ اپݨے خطاب اچ وفاقی وزیر اورنگزیب خان کھچی آکھیے جو پاک-تاجک ثقافتی فیسٹیول ݙوہاں برادر ملکاں دی ڳھاٹی سنڳت اتے تاریخی و ثقافتی رشتیاں دی علامت اے، اے فیسٹیول نویں نسل کیتے ھک مثبت سنیہا اے۔ تاجک وزیرِ ثقافت آکھیے جو پاکستان اتے تاجکستان دے تعلقات اعلیٰ قیادت دی دانشمندانہ پالیسیاں پاروں مسلسل ودھدے پئن اتے مختلف شعبیاں اچ تعاون سٹریٹجک شراکت داری دی مضبوط مثال اے، ثقافتی ݙینہوار صرف تقریباں کائنی ٻھل امن، دوستی اتے باہمی احترام دا سنیہا ہین۔ وزیرِ مواصلات عبدالعلیم خان وی تاجکستان دی ثقافت دی تعریف کیتی۔ چھیکڑ تے لوک موسیقی اتے ثقافتی مظاہریاں حاضرین توںو دھ داد ولھیٹی۔
