اسلام آباد۔20دسمبر(اے پی پی) کور کمانڈر لاہور نیشنل کالج آف آرٹس دا دورہ کیتے جتھاں انھاں طلبہ اتے اساتذہ نال ملاقات کیتی اتے ھک خاص نشست نال خطاب کیتا ۔ خطاب دے دوران کور کمانڈر لاہور آکھیا جو پوری قوم پاک فوج تے فخر کریندی اے جݙاں جو دشمن پاک فوج اتے عوام دے مضبوط رشتے توں خوفزدہ اے ۔ انھاں آکھیے جو آپریشن بنیان مرصوص ھک واری ول ثابت …
کور کمانڈر لاہور دا نیشنل کالج آف آرٹس دا دورہ
اسلام آباد۔20دسمبر(اے پی پی) کور کمانڈر لاہور نیشنل کالج آف آرٹس دا دورہ کیتے جتھاں انھاں طلبہ اتے اساتذہ نال ملاقات کیتی اتے ھک خاص نشست نال خطاب کیتا ۔ خطاب دے دوران کور کمانڈر لاہور آکھیا جو پوری قوم پاک فوج تے فخر کریندی اے جݙاں جو دشمن پاک فوج اتے عوام دے مضبوط رشتے توں خوفزدہ اے ۔ انھاں آکھیے جو آپریشن بنیان مرصوص ھک واری ول ثابت کر ݙتے جو قوم اتے افواجِ پاکستان سیسہ پلائی دیوار وانڳوں کٹھے ہن۔دورے دے موقع تے کور کمانڈر لاہور نیشنل کالج آف آرٹس وچ “آپریشن بنیان مرصوص ہالز” دا باقاعدہ افتتاح کیتا ایندے علاوہ انھاں پاک افواج دے اعزاز وچ طلبہ ولوں بݨائی ڳئی پینٹنگز دی نمائش وی ݙٹھی ، جیندے وچ معرکہ حق دی کامیابیاں اتے شہدا دی عظیم قربانیاں کوں تخلیقی انداز وچ ݙکھایا ڳیا ہئی۔نشست دے اخیر وچ طلبہ پاک فوج نال مکمل یکجہتی دا اظہار کریندے آکھیا اے جو معرکہ حق دے بعد پاکستان عالمی بیلنس آف پاور وچ ھک طاقتور ملک دے طور تے سامݨے آیا ۔ طلبہ دا آکھݨ ہئی اے جو پاک افواج دی قربانیاں پاروں پاکستان اڄ دنیا وچ عزت نال کھڑے ، اتے او دشمن دے ہر پروپیگنڈے کوں رد کریندے ہمیشہ پاک فوج دے نال کھڑے ہوسن
