لاہور ۔20 دسمبر(اے پی پی (وزیراعظم محمد شہباز شریف آکھیے جو معاشی ترقی کیتے برآمدات اچ ودھارا ٻہوں ضروری اے، حکومت برآمدات اچ اضافے کیتے کاروباری لوکاں تے برآمد کنندگان کوں ہر ممکن سہولتاں ڈیوݨ کیتے کوشاں اے۔ وزیراعظم دفتر دے میڈیا ونگ توں جاری بیان موجب ، انہاں اے ڳالھ ملکی برآمدات نال جڑئے جائزہ اجلاس دی صدارت کریندے آکھی۔ اجلاس اچ وفاقی وزیر تجارت جام کمال خان، وفاقی …
وزیراعظم دی زیر صدارت ملکی برآمدات بارے جائزہ اجلاس
لاہور ۔20 دسمبر(اے پی پی (وزیراعظم محمد شہباز شریف آکھیے جو معاشی ترقی کیتے برآمدات اچ ودھارا ٻہوں ضروری اے، حکومت برآمدات اچ اضافے کیتے کاروباری لوکاں تے برآمد کنندگان کوں ہر ممکن سہولتاں ڈیوݨ کیتے کوشاں اے۔ وزیراعظم دفتر دے میڈیا ونگ توں جاری بیان موجب ، انہاں اے ڳالھ ملکی برآمدات نال جڑئے جائزہ اجلاس دی صدارت کریندے آکھی۔ اجلاس اچ وفاقی وزیر تجارت جام کمال خان، وفاقی وزیر خزانہ و محصولات محمد اورنگزیب، وفاقی وزیر قومی غذائی تحفظ رانا تنویر حسین، وزیر مملکت خزانہ و ریلوے بلال اظہر کیانی، وزیراعظم دے معاون خصوصی ہارون اختر تے متعلقہ اعلیٰ افسران شرکت کیتی اے۔وزیراعظم آکھیا جو چھوٹے تے درمیانے درجے دے کاروبار دے ودھارے کیتے ترجیحی بنیاداں تے کم کرݨا ہوسی تاں جو برآمدات دے شعبے اچ وسعت دے نال نال روزگار دے موقع وی ودھن ۔ وزیراعظم وفاقی وزراء برائے تجارت، صنعت و پیداوار تے قومی غذائی تحفظ کوں مختلف صنعتی تے تجارتی شہراں اچ برآمد کنندگان نال ملاقاتاں دی ہدایت کیتی اے تے آکھیا جو کولڈ چین تے صنعت و تجارت نال جڑے ٻئے شعبیں دے ودھارے کیتے صوبیں نال رابطے ٻئے بہتر بݨائے ونڄن ۔ اجلاس اچ وزیراعظم کوں مالی سال 26-2025 دی برآمدات تے درآمدات تے بریفنگ ڈتی ڳئی۔
