آندے 24 گھنے مینھ تے برف باری دا امکان ، محکمہ موسمیات

اسلام آباد۔20 دسمبر (اے پی پی)محکمہ موسمیات ہفتے دی رات توں 21 دسمبر دے دوران ناران، کاغان، چترال، دیر، سوات، کوہستان، مانسہرہ، ایبٹ آباد، شانگلہ، گلگت، استور، ہنزہ، اسکردو، مری، گلیات، وادی نیلم، باغ، پونچھ تے حویلی اچ لینڈ سلائیڈنگ تے برفباری پاروں سڑکاں دی بندش تے پھسلن دی وجہ توں ٹریفک دی روانی متاثر تھیوݨ دا خدشہ ظاہر کیتے۔ محکمہ موسمیات موجب آندے 24 گھنٹے دے دوران شمالی تے مغربی بلوچستان، خیبر پختونخوا، گلگت بلتستان، کشمیر، اسلام آباد تے خطہ پوٹھوہار اچ تکھی ہوا نال مینھ تے پہاڑاں تے برفباری دا امکان اے۔ ملک دے ٻئے علاقیں اچ موسم ٹھڈا تے مطلع جزوی طور تے ابر آلود رہسی ۔ مشرقی پنجاب تے اتلے سندھ دے ضلعیں اچ کوہیڑ پووݨ دی توقع اے۔گزریل 24 گھنٹے دے دوران ملک دے اکثر علاقیں اچ موسم ٹھڈا تے مطلع جزوی جھڑ آلا رہیا ۔ پنجاب تے اتلے سندھ دے کجھ ضلعیں اچ کوہیڑ پئی ، جݙاں جو جنوب مغربی بلوچستان اچ کجھ جہیں تے مینھ وٹھا ۔ ساریں توں ودھ مینھ بلوچستان دے علاقیں قلات اچ 13، جیونی اچ 09، گوادر اچ 08، نوکنڈی اچ 05، دالبندین اچ 03، ژوب، کوئٹہ تے پنجگور اچ 02، تے تربت اچ ہک ملی میٹر ریکارڈ کیتی ڳئی اے۔ ہفتے کوں ریکارڈ کیتا ڳئے گھٹ توں گھٹ درجہ حرارت: لہہ اچ منفی 04، بگروٹ تے گوپس اچ منفی 02، اسکردو اچ منفی 01، جݙاں جو قلات تے پارا چنار اچ 00 ڈگری سینٹی گریڈ ریکارڈ کیتا ڳئے۔