لاہور۔21 دسمبر(اے پی پی)وفاقی وزیر داخلہ محسن نقوی تے وزیر مملکت داخلہ طلال چوہدری علامہ اقبال انٹرنیشنل ایئرپورٹ لاہور دا دورہ کیتا جتھاں انہاں ٻاہرلے ملک ونڄݨ آلے مسافراں دے امیگریشن عمل دا تفصیلی جائزہ ڳھدا ۔ وزراء امیگریشن کاؤنٹرز تے ونڄ تے عملے دی کارکردگی کوں ݙٹھا تے مسافراں نال سدھی ڳالھ مہاڑ کریندے امیگریشن دے مرحلیں بارے معلومات حاصل کیتیاں ۔ ایں موقع تے وفاقی وزیر داخلہ محسن …
وفاقی وزیر داخلہ محسن نقوی تے وزیر مملکت طلال چوہدری دا لاہور ایئرپورٹ دا دورہ
لاہور۔21 دسمبر(اے پی پی)وفاقی وزیر داخلہ محسن نقوی تے وزیر مملکت داخلہ طلال چوہدری علامہ اقبال انٹرنیشنل ایئرپورٹ لاہور دا دورہ کیتا جتھاں انہاں ٻاہرلے ملک ونڄݨ آلے مسافراں دے امیگریشن عمل دا تفصیلی جائزہ ڳھدا ۔ وزراء امیگریشن کاؤنٹرز تے ونڄ تے عملے دی کارکردگی کوں ݙٹھا تے مسافراں نال سدھی ڳالھ مہاڑ کریندے امیگریشن دے مرحلیں بارے معلومات حاصل کیتیاں ۔ ایں موقع تے وفاقی وزیر داخلہ محسن نقوی امیگریشن کاؤنٹر تے موجود ایف آئی اے اہلکار دی چنڳی کارکردگی دی تعریف کریندے شاباش ݙتی تے حوصلہ افزائی کیتی ۔دورے دے دوران ہک مسافر چیکنگ اچ تاخیر پاروں بورڈنگ بند تھیوݨ دی شکایت کیتی، جیندے تے وزیر داخلہ فوراً متعلقہ حکام کوں کویت ونڄݨ آلے مسافر دی بورڈنگ کراوݨ دے احکامات جاری کیتن ۔ مسافراں نال ڳالھ مہاڑ دے دوران ݙسایا جو کجھ منٹاں اچ امیگریشن دا عمل پورا تھیندا پئے جیڑھا ہک خوش آئند ڳالھ اے۔ ایں موقع تے محسن نقوی آکھیا جو پاکستان دی عزت تے مسافراں دی سہولت ساݙے کیتے ساریں توں زیادہ عزیز اے، کہیں وی مسافر کوں بلاجواز سفر توں کائناں روکیا ویسی ۔ انہاں واضح کیتا جو پیشہ ور منڳݨ آلے یا نامکمل کاغذات (دستاویزات) رکھݨ آلیں کوں ٻاہرلے ملک ونڄݨ دی اجازت کائنی ݙتی ونڄ سڳدی، پاکستان دی بدنامی دا باعث بݨݨ آلیں دی جاہ جیل اے۔ انہاں امیگریشن نظام کوں موثر، شفاف تے مسافراں کیتے سوکھا بݨاوݨ دی ہدایت وی کیتی اے۔ ایں موقع تے ریجنل ڈائریکٹر ایف آئی اے لاہور علی ضیاء تے ڈپٹی ڈائریکٹر ایئرپورٹ اویس وی موجود ہن
