داخلی وخارجی چیلنجز نال نبݨݨ کیتے قومی اتحاد تے علم دی طاقت ضروری اے، فیلڈ مارشل سید عاصم منیر دا خطاب

اسلام آباد۔21 دسمبر(اے پی پی)چیف آف آرمی سٹاف و چیف آف ڈیفنس فورسز فیلڈ مارشل سید عاصم منیرفیلڈ مارشل سید عاصم منیر آکھیے جو پاکستان کوں درپیش داخلی و خارجی چیلنجز نال نبݨݨ کیتے قومی اتحاد، فکری یکجہتی تے علم دی طاقت ٻہوں ضروری اے۔ او اسلام آباد اچ منعقدہ قومی علماء و مشائخ کانفرنس توں خطاب کریندے پئے ہن، جیند اچ ملک بھر توں سارے مکاتبِ فکر دے علماء، مشائخ تے اعلیٰ افسران شریک ہن ۔ فیلڈ مارشل اپݨے خطاب اچ دہشت گردی، قومی سلامتی تے علم دی اہمیت تے تفصیلی ڳالھ مہاڑ کیتی اے۔انہاں آکھیا جو اللہ تعالیٰ اسلامی ملکاں اچوں محافظینِ حرمین دا شرف پاکستان کوں عطا کیتے۔ فیلڈ مارشل آکھیا جو ریاستِ طیبہ تے ریاستِ پاکستان وچال گھاٹا تعلق اے، کیوں جو ݙوہیں دا قیام کلمہ طیبہ دی بنیاد تے رمضان دے مبارک مہینے اچ تھیا ہئی۔ انہاں دہشت گردی دے مسئلے تے سخت موقف اختیار کریندے آکھیا جو افغان طالبان دی پشت پناہی نال پاکستان دے نشوم شہریاں کوں نشانہ بݨایا ویندا پئے۔ انہاں ݙو ٹوک آکھیا جو افغانستان کوں فتنہ الخوارج تے پاکستان اچوں کہیں ہک دا انتخاب کرݨا پوسی ۔ انہاں علماء تے زورݙتا جو او علم تے اتحاد دے ذریعے قوم دی رہنمائی دا فریضہ ادا کرن تاں جو ہر قسم دی اوکھ نال نبڑیا ونڄ سڳے۔