وزیراعظم محمد شہباز شریف دی انڈر 19 ایشیا کپ جِتݨ تے پاکستانی کرکٹ ٹیم تے قوم کوں مبارخ

اسلام آباد، 21 دسمبر(اے پی پی)وزیراعظم محمد شہباز شریف انڈر 19 ایشیا کپ جِتݨ تے پاکستان کرکٹ ٹیم تے پوری قوم کوں مبارخ ݙتی اے۔ وزیراعظم دفتر توں جاری بیان موجب وزیراعظم آکھیا جو پاکستانی کھݙاریاں میدان اچ ٻہوں شاندار کارکردگی ݙکھائی اے۔ انہاں آکھیا جو پاکستانی کھݙاریاں فائنل اچ بھارت کوں ہرا تے ہک نویں تاریخ لکھی اے تے پوری قوم کوں انھاں نینگر کھݙاریاں تے ماݨ اے۔وزیراعظم آکھیا جو انڈر 19 ٹیم مستقبل اچ وی عالمی سطح تے ملک دا ناں روشن کریسی ۔ انہاں آکھیا جو میں پاکستان کرکٹ بورڈ دے چیئرمین محسن نقوی سودھے اعلیٰ افسران تے پوری ٹیم مینجمنٹ کوں خراجِ تحسین پیش کرینداں۔