فیلڈ مارشل سید عاصم منیر دی سعودی وزیرِدفاع نال ملاقات، اعلیٰ ترین سعودی اعزاز نال نوازیا ڳئے

راولپنڈی۔22 دسمبر (اے پی پی) چیف آف ڈیفنس فورسز تے چیف آف آرمی سٹاف فیلڈ مارشل سید عاصم منیرسعودی عرب دے سرکاری دورے دے دوران سعودی وزیرِ دفاع شہزادہ خالد بن سلمان نال ملاقات کیتی اے۔ آئی ایس پی آر موجب ملاقات اچ علاقائی سلامتی، دفاعی تعاون تے جیو سٹریٹجک چیلنجز تے ڳالھ مہاڑ تھئی ۔ ایں موقع تے پاکستان تے سعودی عرب دے تاریخی تے برادرانہ تعلقات دی ہک واری ول توثیق کیتی ڳئی اے۔خادمِ حرمینِ شریفین دے حکم تے فیلڈ مارشل سید عاصم منیر کوں سعودی عرب دا اعلیٰ ترین قومی اعزاز “کنگ عبدالعزیز میڈل” عطا کیتا ڳئے۔ اے اعزاز انھاں دی شاندار عسکری خدمات، قیادت، تے ݙوہائیں ملکاں دے دفاعی تعلقات کوں تکڑا بݨاوݨ اچ کلیدی کردار دا اعتراف اے۔ سعودی قیادت انھاں دی پیشہ ورانہ صلاحیتاں تے سٹریٹجک وژن دی تعریف کیتی اے۔ فیلڈ مارشل سعودی قیادت دا شکریہ ادا کیتا تے آکھیا جو پاکستان سعودی عرب دی سلامتی تے خوشحالی کیتے پرعزم اے۔ تقریب اچ ݙوہائیں ملکاں دے اعلیٰ افسران وی شریک ہن ۔ انہاں آکھیا جو دہشت گردی جیھی اوکھ نال نبݨݨ کیتے ݙوہائیں ملکاں دا تعاون جاری رہسی