اسلام آباد۔22 دسمبر (اے پی پی)نائب وزیراعظم تے وزیرِ خارجہ سینیٹر محمد اسحاق ڈار گھٹ توں گھٹ خرچے تے وقت اچ تصدیق (Attestation) تے اپوسٹل دی خدمات کیتے شفاف تے موثر نظام کوں پکا کرݨ دی ہدایت کیتی ۔ دفترِ خارجہ توں جاری بیان موجب نائب وزیراعظم دی صدارت اچ قونصلر سروسز دا جائزہ گھنݨ کیتے ہک اجلاس تھئے جیندے اچ وزیراعظم دے معاونِ خصوصی طارق باجوہ تے وزارتِ خارجہ …
نائب وزیراعظم اسحاق ڈار دی گھٹ توں گھٹ خرچے تے وقت اچ تصدیق تے اپوسٹل دے شفاف نظام کوں یقینی بݨاوݨ دی ہدایت
اسلام آباد۔22 دسمبر (اے پی پی)نائب وزیراعظم تے وزیرِ خارجہ سینیٹر محمد اسحاق ڈار گھٹ توں گھٹ خرچے تے وقت اچ تصدیق (Attestation) تے اپوسٹل دی خدمات کیتے شفاف تے موثر نظام کوں پکا کرݨ دی ہدایت کیتی ۔ دفترِ خارجہ توں جاری بیان موجب نائب وزیراعظم دی صدارت اچ قونصلر سروسز دا جائزہ گھنݨ کیتے ہک اجلاس تھئے جیندے اچ وزیراعظم دے معاونِ خصوصی طارق باجوہ تے وزارتِ خارجہ دے اعلیٰ افسران شریک ہن۔اجلاس اچ قونصلر امور دی ٹیم نائب وزیراعظم کوں عوام کوں ݙتی آلی تصدیق تے پوسٹل دی سہولتاں بارے اچ تفصیلی بریفنگ ݙتی ۔ نائب وزیراعظم انھاں اقدامات دا جائزہ گھندے ایں ڳالھ تے زور ݙتے جو ہک شفاف تے موثر نظام بݨاوݨ وزارتِ خارجہ دے مشن دا ہک بنیادی ستون اے۔ انہاں ہدایت کیتی اے جو عوام کوں کہیں وی اوکھ توں بچاوݨ کیتے ݙوہیں (تصدیق تے اپوسٹل) سہولتاں کوں ٻیا سوکھا تے وقتی بݨایا ونڄے تاں جو لوک انھاں مسئلیں نال چنڳی طرح نبݨݨ اچ کامیاب تھی سڳن۔
