اسلام آباد۔ 22 دسمبر (اے پی پی)ایسوسی ایٹڈ پریس آف پاکستان (اے پی پی) دے ہیڈ کوارٹر اچ روایتی کیک کٹݨ دی تقریب تھئی، جیہڑی ایجنسی اچ مختلف مذہباں دے لوکاں وچال امن، پیار اتے یکجہتی دی علامت اے۔ مینیجنگ ڈائریکٹر محمد عاصم کھچی، ڈائریکٹر نیوز شمائلہ عندلیب، چیف رپورٹر عباس علی چوہان اتے ٻئے اعلیٰ افسران اے پی پی دے مسیحی عملے دے نال کرسمس دا کیک کٹیے۔ ایں …
اے پی پی اچ کرسمس دی تقریب، ایم ڈی اے پی پی عاصم کچھی کرسمس کیک کٹیا
اسلام آباد۔ 22 دسمبر (اے پی پی)ایسوسی ایٹڈ پریس آف پاکستان (اے پی پی) دے ہیڈ کوارٹر اچ روایتی کیک کٹݨ دی تقریب تھئی، جیہڑی ایجنسی اچ مختلف مذہباں دے لوکاں وچال امن، پیار اتے یکجہتی دی علامت اے۔ مینیجنگ ڈائریکٹر محمد عاصم کھچی، ڈائریکٹر نیوز شمائلہ عندلیب، چیف رپورٹر عباس علی چوہان اتے ٻئے اعلیٰ افسران اے پی پی دے مسیحی عملے دے نال کرسمس دا کیک کٹیے۔ ایں تقریب نال ملازمین اچ ٻہوں خوشی اتے جوش نظر آیا اتے مذہبی ہم آہنگی دا جذبہ ودھیے۔ مسیحی برادری کوں مبارکباد ڈیندے ایم ڈی محمد عاصم کھچی باہمی احترام اتے کٹھے مل تے رہݨ دی اہمیت تے زور ڈتے۔ ڈائریکٹر نیوز شمائلہ عندلیب وی مبارکباد ڈتی اتے پیار، ہمدردی اتے برابری دی اقدار کوں اڳونہا کرݨ تے زور ݙتے۔ مینیجر ایڈمنسٹریشن ملک خضر زمان اعوان، سابق جنرل سیکرٹری اے پی پی ایمپلائز یونین ندیم اقبال اتے لیاقت بھٹی وی کرسمس دی مبارکباد ݙتی۔ ایں موقع تے اے پی پی دے دفتر کوں غباریاں اتے کرسمس ٹری نال سوہݨا بݨایا گیا ہا۔
