اسلام آباد۔23 دسمبر (اے پی پی)وفاقی وزیرِ خزانہ و محصولات سینیٹر محمد اورنگزیب آکھیے جو کابینہ دی اقتصادی رابطہ کمیٹی (ای سی سی) فائیوجی سپیکٹرم دی نیلامی دی منظوری ݙے ݙتی اے ۔ وفاقی وزیرِ آئی ٹی شزہ فاطمہ خواجہ دے رلے مشترکہ پریس کانفرنس اچ انھاں ݙسایا جو ڈیجیٹل پاکستان پروگرام کوں اڳوں ودھاوݨ کیتے اقدامات دا سلسلہ جاری اے تے حکومت ایں سفر اچ تیزی گھن آندی پئی …
اقتصادی رابطہ کمیٹی فائیوجی سپیکٹرم دی نیلامی دی منظوری ݙے ݙتی اے ، ڈیجیٹل پاکستان دے سفر اچ تیزی گھن آںدے پیوں، وفاقی وزیرِ خزانہ دی پریس کانفرنس
اسلام آباد۔23 دسمبر (اے پی پی)وفاقی وزیرِ خزانہ و محصولات سینیٹر محمد اورنگزیب آکھیے جو کابینہ دی اقتصادی رابطہ کمیٹی (ای سی سی) فائیوجی سپیکٹرم دی نیلامی دی منظوری ݙے ݙتی اے ۔ وفاقی وزیرِ آئی ٹی شزہ فاطمہ خواجہ دے رلے مشترکہ پریس کانفرنس اچ انھاں ݙسایا جو ڈیجیٹل پاکستان پروگرام کوں اڳوں ودھاوݨ کیتے اقدامات دا سلسلہ جاری اے تے حکومت ایں سفر اچ تیزی گھن آندی پئی اے، مالیاتی تے ڈیجیٹل شمولیت اچ سپیکٹرم دا ٻہوں وݙا کردار اے ، جنھاں سپیکٹرم دی نیلامی کائنی تھئی ہک لحاظ نال اے ساݙے کیتے مالی نقصان ہی اے ۔ وزیرِ خزانہ آکھیا جو کابینہ دی اقتصادی رابطہ کمیٹی (ای سی سی) دے اڄ تھیوݨ آلے اجلاس اچ سپیکٹرم دی نیلامی دی منظوری ݙے ݙتی ڳئی، انھاں آکھیا جو سپیکٹرم ایڈوائزری کمیٹی نیشنل اکنامک ریسرچ ایسوسی ایٹس (نیرا) دے ناں نال کنسلٹنٹ دی خدمات حاصل کیتن، نیرا پی ٹی اے تے ٻئے متعلقہ اداریں دی نگرانی اچ تفصیلی طور تے شراکت داراں دے نال رابطہ کاری کیتی تے ماضی اچ سپیکٹرم دی ملکی، علاقائی تے بین الاقوامی طور تے تھیوݨ آلی نیلامیاں دا تفصیلی جائزہ ڳھدا تے سارے بین الاقوامی معیارات کوں سامݨے رکھیا، ایندی بنیاد تے اساکوں سپیکٹرم دی قیمت، ادائیگی دی شرائط تے نیلامی دے ڈیزائن دے حوالے نال سفارشات ݙتیاں ڳیاں، اساں انھاں سفارشات تے غور کیتا تے ساریں توں پہلے پاکستان دے نکتہ نظر توں اینکوں اڳوں گھن تے ڳیوں ، اقتصادی رابطہ کمیٹی اڄ انھاں سفارشات دی منظوری ݙے ݙتی اے۔
