پاکستانی نژاد امریکی ڈاکٹراں دی پیشہ ورانہ مہارت پاکستان دا روشن چہرہ دنیا دے سامݨے پیش کریندی پئی اے، سید یوسف رضا گیلانی

لاہور۔23 دسمبر (اے پی پی) قائم مقام صدرِ مملکت سید یوسف رضا گیلانی آکھیے جو پاکستانی نژاد امریکی ڈاکٹراں دی خدمات نہ صرف پاکستان بلکہ عالمی سطح تے تعریف دے قابل ہن تے انھاں دی پیشہ ورانہ مہارت پاکستان دا روشن چہرہ دنیا دے سامݨے پیش کریندی پئی اے۔ امریکی ڈاکٹراں دی تنظیم “اپنا” دی تقریب اچ شرکت میں کیتے اعزاز دی ڳالھ اے۔ اے ڳالھ انہاں گورنر ہاؤس اچ منعقدہ تقریب اچ خطاب کریندے آکھی جیندے اچ قائم مقام صدر نمایاں خدمات انجام ݙیوݨ آلے ڈاکٹراں اچ ایوارڈز وی ونڈئے۔ سید یوسف رضا گیلانی آکھیا جو وݙے ہسپتالاں تے ٻوجھ گھٹ کرݨ کیتے بنیادی مراکزِ صحت اچ سہولتاں ودھاوݨ لازمی اے جݙاں جو دیہاتی تے گھٹ ترقی یافتہ علاقیں اچ معیاری تے سستی صحت دیاں سہولتاں ݙیوݨ ویلھے دی اہم لوڑھ اے ۔ انھاں آکھیا جو 18ویں آئینی ترمیم دے تحت صحت دا شعبہ صوبیں کوں منتقل تھی چکیے، تاں جو وفاقی سطح تے قانون سازی دے ذریعے او معیاری صحت دے نظام کیتے پرعزم ہن۔ انھاں آکھیا جو صحت تے تعلیم ہک سکے دے ݙوپاسے ہن تے میڈیکل دے شعبے اچ نصاب دی جدت تے پیشہ ورانہ ترقی لازمی اے۔ انھاں لاہور دے تاریخی پس منظر تے ڳالھ کریندے آکھیا جو لاہور ہک قدیم تے تاریخی شہر اے، حضرت داتا علی ہجویری ملتان کوں شہر تے لاہور کوں ایندا گردونواح قرار ݙتے۔ تقریب نال ٻئے مقررین وی خطاب کیتا