پاکستان ریلویز تاریخ اچ پہلی واری ہک کھرب روپے سالانہ آمدݨ دا ہدف پار کرݨ دے نیڑے پڄ ڳئے، وفاقی وزیرریلوے محمد حنیف عباسی

اسلام آباد۔23 دسمبر(اے پی پی)وفاقی وزیرریلوے محمد حنیف عباسی سال 2025 کوں پاکستان ریلویز کیتے ہک سنگِ میل قرار ݙیندے آکھیے جو محکمہ اپݨی تاریخ اچ پہلی واری ہک کھرب روپے سالانہ آمدݨ دا ہدف عبور کرݨ دے نیڑے پڄ ڳئے۔ ہݨ تئیں 93 ارب روپے توں ودھ ریونیو حاصل کیتا ڳئے جݙاں جو اڄوکے مالی سال دی پہلی ششماہی اچ ٻئے 50 ارب روپے دی آمدݨ متوقع ہے۔ خطاب اچ انھاں آکھیا جو ریلوے دی کارکردگی اچ بہتری کیتے سیفٹی ڈیپارٹمنٹ کوں باقاعدہ ڈائریکٹوریٹ اچ بدل ݙتا گئے جیندے نال حادثات دی شرح گھٹ تھی ڳئی اے۔ راولپنڈی کوں ملک دا پہلا سمارٹ سٹیشن بݨا ݙتا ڳئے تے 2026ء تئیں ݙوجھے وݙے سٹیشناں کوں وی سمارٹ بݨایا ویسی۔ انھاں آکھیا جو دسمبر2026ء تئیں ساریاں ریل گاݙیاں کوں جدید طرز تے ڈھال ݙتا ویسی۔ زمین چھڑاوݨ دے سلسلے اچ 2025ء دے دوران 394 ایکڑ رقبہ قابضین توں چھڑوایا ڳئے تے دسمبر 2026ء تئیں ساری زمین چھڑاوݨ دا عزم اے