اسلام آباد۔ 23 دسمبر(اے پی پی)نائب وزیرِ اعظم/وزیرِ خارجہ سینیٹر محمد اسحاق ڈار دی زیرِ صدارت جی ایس پی پلس سٹیٹس دے تسلسل دی حکمتِ عملی دا جائزہ گھنݨ کیتے اجلاس تھئے۔ اجلاس سیکرٹری تجارت حکومت ولوں یورپی یونین دے جی ایس پی پلس سٹیٹس دے تسلسل کیتے مقررہ معیار سانڳے اقدامات تے بریفنگ ݙتی۔ انھاں یورپی یونین دے ریویو مشن دے حالیہ دورہِ پاکستان دیاں تفصیلات وی ݙسایاں۔ نائب …
نائب وزیرِ اعظم سینیٹر محمد اسحاق ڈار دی اڳواݨی اچ جی ایس پی پلس سٹیٹس دے تسلسل دی حکمتِ عملی دا جائزہ اجلاس
اسلام آباد۔ 23 دسمبر(اے پی پی)نائب وزیرِ اعظم/وزیرِ خارجہ سینیٹر محمد اسحاق ڈار دی زیرِ صدارت جی ایس پی پلس سٹیٹس دے تسلسل دی حکمتِ عملی دا جائزہ گھنݨ کیتے اجلاس تھئے۔ اجلاس سیکرٹری تجارت حکومت ولوں یورپی یونین دے جی ایس پی پلس سٹیٹس دے تسلسل کیتے مقررہ معیار سانڳے اقدامات تے بریفنگ ݙتی۔ انھاں یورپی یونین دے ریویو مشن دے حالیہ دورہِ پاکستان دیاں تفصیلات وی ݙسایاں۔ نائب وزیرِ اعظم/وزیرِ خارجہ معاملے بارے اقدامات دے حوالے نال سارے وفاقی اتے صوبائی محکمیاں توں عملدرآمد دی صورتحال منڳدے ہوئے ہدایت کیتی جو جی ایس پی پلس سٹیٹس دے تسلسل کیتے حکومتی پالیسیاں تے ایندی روحِ اتے قانون دے مطابق عملدرآمد یقینی بݨایا ونجے۔ اجلاس اچ وزرائے قانون و تجارت، وزیرِ اعظم دے خصوصی معاون طارق باجوہ، سیکرٹریزِ خارجہ، تجارت، انسانی حقوق، قانون، موسمیاتی تبدیلی تے سمندر پار پاکستانیاں سودھا وفاقی و صوبائی محکمیاں دے سربراہان اتے اعلیٰ افسران شرکت کیتی۔ ایں توں علاوہ پاکستانی سفارتخانہ برسلز زوم تے اجلاس اچ شرکت کیتی۔ ایں حکمتِ عملی دے تحت جیہڑا وی نواں کم شروع تھیسی، اوندے نال ملکی برآمدات کوں وݙا فائدہ تھیسی اتے معاشی اوکھ توں نبݨݨ اچ مدد ملسی۔
