اسلام آباد۔ 24 دسمبر (اے پی پی) وفاقی وزیر پٹرولیم علی پرویز ملک حکومت تے پٹرولیم ڈویژن ولوں مسیحی برادری کوں کرسمس دی دلوں مبارخ ݙیندے آکھیے جو پٹرولیم شعبے نال جڑئے مسیحی لوک قومی افرادی قوت دا اہم حصہ ہن۔ حقیقی ترقی صرف جامع ترقی دے ذریعے ای ممکن اے جتھاں معاشرے دے ہر طبقے کوں برابر اہمیت ݙتی ونڄے، مذہب دی بنیاد تے کہیں وی قسم دا امتیاز …
پٹرولیم شعبے نال جڑئے مسیحی لوک قومی افرادی قوت دا اہم حصہ ہن، وفاقی وزیرعلی پرویز ملک دی مسیحی برادری کوں کرسمس تے مبارخ
اسلام آباد۔ 24 دسمبر (اے پی پی) وفاقی وزیر پٹرولیم علی پرویز ملک حکومت تے پٹرولیم ڈویژن ولوں مسیحی برادری کوں کرسمس دی دلوں مبارخ ݙیندے آکھیے جو پٹرولیم شعبے نال جڑئے مسیحی لوک قومی افرادی قوت دا اہم حصہ ہن۔ حقیقی ترقی صرف جامع ترقی دے ذریعے ای ممکن اے جتھاں معاشرے دے ہر طبقے کوں برابر اہمیت ݙتی ونڄے، مذہب دی بنیاد تے کہیں وی قسم دا امتیاز قبول کائنی۔ انھاں اے ڳالھ کرسمس دی تقریب اچ بطور مہمانِ خصوصی شرکت کریندے آکھی ۔ ایں موقع تے وفاقی وزیر حکومت دے بین المذاہب ہم آہنگی دے پختہ عزم دا اعادہ کیتے۔او جی ڈی سی ایل دے زیرِ اہتمام کرسمس دے حوالے نال ہک خصوصی تقریب منعقد کیتی ڳئی جیندے اچ مختلف اداریں دے مسیحی ملازمین شرکت کیتی اے۔ تقریب نال خطاب کریندے وفاقی وزیر آکھیا جو مسیحی ارکان دی محنت قومی یکجہتی تے سانجھے احترام دی عکاس اے۔ وفاقی وزیرعلی پرویز ملک آکھیا جو وزیراعظم محمد شہباز شریف تے پوری حکومت دا پختہ یقین اے جو مذہب دی بنیاد تے کوئی امتیاز نی تھیوݨا چاہیدا ۔ انھاں ہدایت کیتی جو ٻئے ادارے وی کرسمس دی تقریبات منعقد کرن تاں جو ہم آہنگی کوں ودھارا ملے۔ تقریب دے چھیکڑ اچ وفاقی وزیر شرکاء دے رلے کرسمس دا کیک کٹیا جیڑھا مشترکہ قومی اقدار دی علامت ہئی۔
