اسلام آباد۔ 24 دسمبر(اے پی پی)وزیراعظم محمد شہباز شریف جامع قومی انرجی پلان دی تشکیل تے متعلقہ وزارتاں تے صوبیں دی مشاورت نال کم کرݨ تے ایندے کیتے انڄ سیکرٹریٹ بݨاوݨ دی منظوری ݙے ݙتی اے۔ وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف دی زیرِ صدارت کابینہ دی توانائی تے ذیلی کمیٹی دا قومی انرجی پلان تے ٻئی اصلاحات دے حوالے نال سفارشات تے …
وزیراعظم شہباز شریف جامع قومی انرجی پلان دی تشکیل تے متعلقہ وزارتاں تے صوبیں دی مشاورت نال کم کرݨ تے ایندے کیتے انڄ سیکرٹریٹ بݨاوݨ دی منظوری ݙے ݙتی
اسلام آباد۔ 24 دسمبر(اے پی پی)وزیراعظم محمد شہباز شریف جامع قومی انرجی پلان دی تشکیل تے متعلقہ وزارتاں تے صوبیں دی مشاورت نال کم کرݨ تے ایندے کیتے انڄ سیکرٹریٹ بݨاوݨ دی منظوری ݙے ݙتی اے۔ وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف دی زیرِ صدارت کابینہ دی توانائی تے ذیلی کمیٹی دا قومی انرجی پلان تے ٻئی اصلاحات دے حوالے نال سفارشات تے جائزہ اجلاس تھئے۔وزیراعظم ساریاں متعلقہ وزارتاں تے صوبائی حکومتاں دی مشاورت نال جامع قومی انرجی پلان بݨاوݨ دی اصولی منظوری ݙے ݙتی اے۔ ایں توں انڄ ، اجلاس اچ ویلنگ چارجز دی نیلامی بارے اچ فریم ورک گائیڈ لائنز دی منظوری وی ݙتی ڳئی۔ وزیراعظم اجلاس اچ پورے ملک اچ بجلی دے ترسیلی نظام کوں بہتر بݨاوݨ تے ذیلی ترسیلی اداریں دی نجکاری دے عمل کوں موثر طور تے مکمل کرݨ دی خصوصی ہدایات وی ݙتیاں ۔اجلاس اچ وفاقی وزیر پلاننگ اینڈ ڈویلپمنٹ احسن اقبال، وفاقی وزیر توانائی سردار اویس احمد خان لغاری، وفاقی وزیر پٹرولیم علی پرویز ملک، وفاقی وزیر اقتصادی امور احد خان چیمہ، صوبیں دے چیف سیکرٹریز تے ٻئے متعلقہ سرکاری عہدیداراں شرکت کیتی اے۔
