اسلام آباد۔ 24 دسمبر(اے پی پی) وفاقی وزیر داخلہ سید محسن رضا نقوی این ڈی ایم اے ہیڈ کوارٹرز اچ نیشنل ایمرجنسیز آپریشن سینٹر (این ای او سی) دا دورہ کیتا جتھاں این ڈی ایم اے ٹیم ولوں 2026 دے دوران پاکستان تے ٻئے ملکاں کوں ممکنہ موسمیاتی خطرات تے بریفنگ ݙتی ڳئی۔ وزیر داخلہ کوں این ڈی ایم اے دے پیشگی آگاہی تے انتباہ دے فعال جدید نظام دے …
وفاقی وزیر داخلہ سید محسن رضا نقوی دا نیشنل ایمرجنسیز آپریشن سینٹر دا دورہ
اسلام آباد۔ 24 دسمبر(اے پی پی) وفاقی وزیر داخلہ سید محسن رضا نقوی این ڈی ایم اے ہیڈ کوارٹرز اچ نیشنل ایمرجنسیز آپریشن سینٹر (این ای او سی) دا دورہ کیتا جتھاں این ڈی ایم اے ٹیم ولوں 2026 دے دوران پاکستان تے ٻئے ملکاں کوں ممکنہ موسمیاتی خطرات تے بریفنگ ݙتی ڳئی۔ وزیر داخلہ کوں این ڈی ایم اے دے پیشگی آگاہی تے انتباہ دے فعال جدید نظام دے بارے ݙسایا ڳیا۔ ترجمان این ڈی ایم اے موجب 2026ء دے دوران پاکستان کوں ممکنہ موسمیاتی خطرات تے انھاں نال نبݨݨ کیتے پیشگی اقدامات، سارے خطرات دی پیشگی تشخیص تے نگرانی کیتے فعال ڈیجیٹل پورٹلز تے آفتاں دے حوالے نال عالمی سطح دی موبائل ایپلیکیشن تے بریفنگ ݙتی ڳئی۔ وزیر داخلہ این ڈی ایم اے دی آفات نال نبݨݨ دی حکمتِ عملی تے اداریں وچال رابطہ کاری دی تعریف کیتی ۔ وفاقی وزیر داخلہ این ڈی ایم اے تے سول ڈیفنس وچال اشتراک تے وی زور ݙتا۔ وزیر داخلہ دا آکھݨ ہئی جو آفات نال نبݨݨ کیتے مشترکہ لائحہ عمل دی لوڑھ اے۔ ایں نظام دے شروع تھیوݨ نال کہیں وی اوکھ اچ وقتی مدد مل سڳسی۔
