متحدہ عرب امارات دے صدر شیخ محمد بن زاید النہیان 26 دسمبر کوں پاکستان دا سرکاری دورہ کریسن

اسلام آباد۔ 24 دسمبر(اے پی پی)وزیرِ اعظم محمد شہباز شریف دی دعوت تے متحدہ عرب امارات دے صدر اتے ابوظہبی دے حکمران شیخ محمد بن زاید النہیان 26 دسمبر کوں پاکستان دا سرکاری دورہ کریسن۔ بدھ کوں دفترِ خارجہ ولوں جاری بیان دے مطابق اے متحدہ عرب امارات دے صدر دی حیثیت نال انھاں دا پاکستان دا پہلا دورہ اے، انھاں دے نال وزارتاں اتے اعلیٰ افسران تے مشتمل ہک اعلیٰ سطح دا وفد وی اے۔ دورے اچ متحدہ عرب امارات دے صدر وزیرِ اعظم محمد شہباز شریف نال ملاقات کریسن جیندے اچ ݙوہیں رہنما ݙوطرفہ تعلقات دے پہلوواں دا جائزہ گھنسن اتے باہمی دلچسپی دے علاقائی اتے بین الاقوامی معاملیاں تے ڳالھ مہاڑ کریسن۔ بیان دے مطابق اے دورہ پاکستان اتے متحدہ عرب امارات وچال پراݨے برادرانہ تعلقات کوں ٻیا مضبوط بݨاوݨ دا ہک اہم موقع ݙیسی۔