اسلام آباد۔ 26 جنوری(اے پی پی) وزیراعظم محمد شہباز شریف پاکستان اچ قیمتی پتھراں (جیم سٹونز) دے ذخائر دی استعداد کوں استعمال اچ ڳھن آوݨ اتے برآمدات توں زرمبادلہ کماوݨ تے زور ݙیندے ہوئیں آکھیے جو ایں انڈسٹری اچ ویلیو ایڈیشن نال برآمدات ودھائیاں ونڄ سڳدن۔ انھاں اسلام آباد، گلگت بلتستان تے آزاد کشمیر دے مجوزہ جیم سٹون سینٹرز کیتے عالمی ماہرین دی خدمات حاصل کرݨ تے اسلام آباد سینٹر …
وزیراعظم شہباز شریف دا جیم سٹونز دی برآمدات توں زرمبادلہ کماوݨ تے زور
اسلام آباد۔ 26 جنوری(اے پی پی) وزیراعظم محمد شہباز شریف پاکستان اچ قیمتی پتھراں (جیم سٹونز) دے ذخائر دی استعداد کوں استعمال اچ ڳھن آوݨ اتے برآمدات توں زرمبادلہ کماوݨ تے زور ݙیندے ہوئیں آکھیے جو ایں انڈسٹری اچ ویلیو ایڈیشن نال برآمدات ودھائیاں ونڄ سڳدن۔ انھاں اسلام آباد، گلگت بلتستان تے آزاد کشمیر دے مجوزہ جیم سٹون سینٹرز کیتے عالمی ماہرین دی خدمات حاصل کرݨ تے اسلام آباد سینٹر کوں اگست 2027 تائیں مکمل کرݨ دی ہدایت کیتی۔ انہاں اے ہدایات اسلام اباد اچ قیمتی پتھراں اتے معدنیات دے فروغ بارے جائزہ اجلاس دی اڳواݨی کریندے ݙتن۔ وزیر اعظم آکھیا جو پاکستان اچ جیم سٹونز دے ذخائر دی استعداد ودھاوݨ دی لوڑھ اے تاں جو انہاں قیمتی پتھراں دی برآمدات نال قیمتی زرمبادلہ کمایا ونڄ سقدے۔ انہاں اسلام آباد ، گلگت بلتستان اتے آزاد جموں و کشمیر دے مجوزہ جیم سٹون سینٹرز دی تعمیر کیتے بین الاقوامی شہرت آلے متعلقہ ماہرین دی خدمات ڳھنݨ اتے اسلام آباد جیم سٹون سینٹر کوں اگست 2027ء تئیں مکمل کرݨ دی ہدایت کیتی اتے بین الاقوامی ماہرین دی مدد نال پالیسی فریم ورک تے عملدرآمد دی ہدایت کریندے آکھیا جو جیم سٹون انڈسٹری اچ ویلیو ایڈیشن نال برآمدات ودھائے ونڄن۔ انہاں مجوزہ جیم سٹون سینٹرز اچ جدید ٹیکنالوجی اتے آلات لاوݨ سودھا جیم سٹون انڈسٹری دی صنعت دے ودھارے بارے سارے صوبیاں، گلگت بلتستان اتے آزاد جموں و کشمیر حکومتاں نال مل تے کم کرݨ دا آکھیے۔ اجلاس اچ جیم سٹون انڈسٹری دے ترقی کیتے چاتے ڳئے اقدامات تے بریفنگ ݙتی گئی۔
