ابوظہبی۔ 27 جنوری (اے پی پی) صدرِ مملکت آصف علی زرداری متحدہ عرب امارات دے صدر شیخ محمد بن زاید النہیان دے رواداری اتے انسانی بھائی چارے دے حوالے نال قومی ویژن کوں سراہندے ہوئیں مکالمے اتے پرامن بقائے باہمی دی اہمیت تے زور ݙتے۔ ایوانِ صدر دے پریس ونگ ولوں جاری بیان دے مطابق، صدرِ مملکت آصف علی زرداری نال متحدہ عرب امارات دے وزیرِ رواداری و بقائے باہمی …
صدرِ مملکت آصف علی زرداری نال متحدہ عرب امارات دے وزیرِ رواداری و بقائے باہمی شیخ نہیان بن مبارک النہیان دی ملاقات
ابوظہبی۔ 27 جنوری (اے پی پی) صدرِ مملکت آصف علی زرداری متحدہ عرب امارات دے صدر شیخ محمد بن زاید النہیان دے رواداری اتے انسانی بھائی چارے دے حوالے نال قومی ویژن کوں سراہندے ہوئیں مکالمے اتے پرامن بقائے باہمی دی اہمیت تے زور ݙتے۔ ایوانِ صدر دے پریس ونگ ولوں جاری بیان دے مطابق، صدرِ مملکت آصف علی زرداری نال متحدہ عرب امارات دے وزیرِ رواداری و بقائے باہمی شیخ نہیان بن مبارک النہیان ملین۔ صدرِ مملکت رواداری اتے بقائے باہمی دے عزم دا اعادہ کیتے۔ انھاں شیخ محمد بن زاید النہیان دی بصیرت افروز قیادت کوں خراجِ تحسین پیش کریندے ہوئیں انھاں دے وژن دی تعریف کیتی۔ صدرِ مملکت 200 توں ودھ قومیتاں وچال اتحاد اتے باہمی احترام کوں ودھاوݨ اچ متحدہ عرب امارات دی کامیابی کوں سماجی ہم آہنگی دا ہک متاثر کن نمونہ قرار ݙتا۔ ایں موقع تے خاتونِ اول آصفہ بھٹو زرداری، چیئرمین پیپلز پارٹی بلاول بھٹو زرداری، وفاقی وزیرِ داخلہ محسن نقوی اتے متحدہ عرب امارات اچ پاکستان دے سفیر وی موجود ہن۔
