صحت حکومت یا ریاست دی نئی بلکہ پورے معاشرے دی سانجھی ذمہ واری اے، وفاقی وزیرِ صحت

اسلام آباد۔ 28 جنوری (اے پی پی) وفاقی وزیر برائے صحت سید مصطفیٰ کمال آکھیے جو صحت صرف حکومت دی ذمہ داری نئی بلکہ ہر بندے، ہر شعبے تے پورے معاشرے دی سانجھی ذمہ داری اے ۔ اے ڳالھیں انھاں سلطانہ فاؤنڈیشن اچ ہک تقریب نال خطاب کریندے ہوئیں کیتا۔ انھاں آکھیے جو صحت ہک نعمت اے جیندے بغیر انسان نہ آپݨی دینی ذمہ داریاں پوری کر سڳدے اتے نہ ای دنیاوی زندگی چنگی گزار سڳدے ۔ انھاں نرسز تے ہیلتھ سٹاف دے ہمدردانہ رویے تے زور ݙیندیں ہوئیں آکھیے جو مریض نال نرمی نال ڳالھ کرݨ تے اخلاق نال پیش آوݨ تے کوئی خرچ نہیں آندا پر ایندا اثر ٻہوں گہرا ہوندے ۔ انھاں آکھیے جو حقیقی ہیلتھ کیئر صرف ہسپتالاں اچ علاج تائیں محدود نئی بلکہ لوکاں کوں بیماریاں توں بچاوݨ تے احتیاطی تدابیر دی ترغیب ݙیوݨ دا ناں اے ۔ صحت ہک سانجھا انسانی مسئلہ اے اتے حکومت سہولتاں ݙیوݨ کیتے اقدامات کریندی پئی اے ، تاہمت عوامی تعاون دے بغیر اے مقصد پورا نئی تھی سڳدا۔