اسلام آباد۔ 28 جنوری (اے پی پی) نائب وزیرِ اعظم تے وزیرِ خارجہ سینیٹر محمد اسحاق ڈار آکھیے جو پاکستان کوں آئی ٹی تے ٹیلی کمیونیکیشن دے شعبیاں نال متعلق اقوامِ متحدہ دے اداریاں نال تعلقات کوں مضبوط بݨاوݨ کیتے سارے اسٹیک ہولڈرز وچال مربوط حکمتِ عملی اپناوݨ دی لوڑھ اے۔ اے ڳالھیں انھاں بدھ دے ݙینہہ اتھاں ہک اجلاس دی صدارت کریندیں ہوئیں کیتا۔ اجلاس وچ انفارمیشن ٹیکنالوجی تے …
پاکستان کوں آئی ٹی تے ٹیلی کمیونیکیشن دے شعبیاں بارے اقوامِ متحدہ دے اداریاں نال تعلقات تگڑے کرݨ کیتے مربوط حکمتِ عملی دی لوڑھ اے، اسحاق ڈار
اسلام آباد۔ 28 جنوری (اے پی پی) نائب وزیرِ اعظم تے وزیرِ خارجہ سینیٹر محمد اسحاق ڈار آکھیے جو پاکستان کوں آئی ٹی تے ٹیلی کمیونیکیشن دے شعبیاں نال متعلق اقوامِ متحدہ دے اداریاں نال تعلقات کوں مضبوط بݨاوݨ کیتے سارے اسٹیک ہولڈرز وچال مربوط حکمتِ عملی اپناوݨ دی لوڑھ اے۔ اے ڳالھیں انھاں بدھ دے ݙینہہ اتھاں ہک اجلاس دی صدارت کریندیں ہوئیں کیتا۔ اجلاس وچ انفارمیشن ٹیکنالوجی تے ٹیلی کمیونیکیشن دے شعبیاں نال متعلق کثیرالجہتی فورمز اچ پاکستان دی موجودگی تے کردار دا جائزہ گھدا ڳیا۔ دفترِ خارجہ دے مطابق نائب وزیرِاعظم آکھیے جو پاکستان کوں انھاں شعبیاں نال متعلق اقوامِ متحدہ دے اداریاں نال تعلقات تگڑے کرݨ کیتے سارے اسٹیک ہولڈرز وچال ہک مربوط حکمتِ عملی دی لوڑھ اے۔اجلاس اچ وفاقی وزیرِ آئی ٹی، وزیرِ اعظم دے معاونِ خصوصی طارق باجوہ، سیکرٹری خارجہ آمنہ بلوچ، سیکرٹری آئی ٹی، جنیوا وچ پاکستان دے مستقل نمائندے تے ٻئے متعلقہ محکمیاں دے سینئر افسراں شرکت کیتی۔
