لیلۃ القدر اساکوں اللہ دی رحمت، مغفرت تے اپݨے اعمال دا محاسبہ کرݨ دا موقع ݙیندی اے: سردار ایاز صادق

اسلام آباد۔16مارچ (اے پی پی) سپیکر قومی اسمبلی سردار ایاز صادق آکھیے لیلۃ القدر اساکوں اللہ تعالیٰ دی رحمت، مغفرت تے اپݨے اعمال دا محاسبہ کرݨ دا موقع ݙیندی اے، لیلۃ القدر دی بابرکت رات وچ امتِ مسلمہ دے اتحاد تے مظلوم مسلماناں کیتے خصوصی دعاواں کیتیاں ونڄن۔ اے ڳالھ انھاں لیلۃ القدر دے موقع تے اپݨے خصوصی پیغام وچ آکھی۔ انھاں آکھیا جو لیلۃ القدر دی بابرکت رات مسلماناں کیتے بے شمار روحانی برکتاں، رحمتاں تے مغفرت دا پیغام گھن تے آندی اے۔ انھاں آکھیا جو اے مقدس رات اللہ تعالیٰ دی خصوصی رحمتاں دے حصول، توبہ و استغفار تے اپݨے اعمال دا جائزہ گھنݨ دا بہترین موقع ݙیندی اے۔سپیکر قومی اسمبلی آکھیا جو لیلۃ القدر کوں قرآن کریم وچ ہزار مہینے توں بہتر قرار ݙتا ڳئے جیڑھا ایں رات دی عظمت تے فضیلت کوں واضح کریندے۔ انھاں آکھیا جو ایں بابرکت رات وچ عبادات، ذکر و اذکار، دعا تے استغفار دے ذریعے اللہ تعالیٰ دی رضا حاصل کرݨ دی بھرپور کوشش کرݨی چاہیدی اے۔