نائب وزیراعظم تے وزیر خارجہ اسحاق ڈار 18 توں 19 مارچ سعودی عرب دا دورہ کریسن، ترجمان دفترِ خارجہ

اسلام آباد۔ 18 مارچ (اے پی پی) نائب وزیراعظم تے وزیرخارجہ اسحاق ڈار سعودی عرب دے وزیر خارجہ دی دعوت تے 18 تے 19 مارچ کوں ریاض دا دورہ کریسن جتھاں او خطے دے ملکاں دے وزرائے خارجہ دے اجلاس اچ شرکت کریسن۔ دفترِ خارجہ توں جاری بیان موجب نائب وزیراعظم اجلاس اچ خطے دے سارے بھرا ملکاں دی علاقائی سالمیت، خودمختاری تے سیاسی آزادی کیتے پاکستان دی مکمل حمایت دا اظہار کریسن تے انہاں دے علاقیں تے تھیوݨ الے سارے حملیں دے خاتمے دا مطالبہ کریسن۔ نائب وزیراعظم جاری جھیڑے دے وقتی خاتمے کیتے پاکستان دے مطالبے کوں دہریندے ڳالھ مہاڑ تے سفارت کاری دی طرف واپسی دی لوڑھ تے زور ݙیسن۔ او پاکستان دی سفارتی کوششاں کوں وی اجاگر کریسن تے ایں عزم دا اظہار کریسن جو پاکستان خطے کوں درپیش سنگین سکیورٹی بحران دے حل اچ اپݨا مؤثر کردار جاری رکھیسی۔