اسلام آباد۔ 18 مارچ (اے پی پی) چیئرمین سینیٹ سید یوسف رضا گیلانی نیشنل پریس کلب دے نویں منتخب عہدیداراں کوں مبارخ ݙتی اے ۔ چیئرمین سینیٹ آکھیا جو نیشنل پریس کلب ملک اچ آزاد صحافت دے فروغ تے جمہوری اقدار دے استحکام اچ کلیدی کردار ادا کریندا ریہے۔ چیئرمین سینیٹ ایں امید دا اظہار کیتا جو نویں منتخب قیادت صحافی برادری کوں درپیش مسئلیں دے حل کیتے جرات مندانہ …
چیئرمین سینیٹ دی نیشنل پریس کلب دے نویں منتخب عہدیداراں کوں مبارخ
مزید خبراں
اسلام آباد۔ 18 مارچ (اے پی پی) چیئرمین سینیٹ سید یوسف رضا گیلانی نیشنل پریس کلب دے نویں منتخب عہدیداراں کوں مبارخ ݙتی اے ۔ چیئرمین سینیٹ آکھیا جو نیشنل پریس کلب ملک اچ آزاد صحافت دے فروغ تے جمہوری اقدار دے استحکام اچ کلیدی کردار ادا کریندا ریہے۔ چیئرمین سینیٹ ایں امید دا اظہار کیتا جو نویں منتخب قیادت صحافی برادری کوں درپیش مسئلیں دے حل کیتے جرات مندانہ تے مدبرانہ اقدامات چیسے تے پیشہ ورانہ ذمہ واریاں کوں احسن انداز اچ نبھیسے۔ چیئرمین سینیٹ آکھیا جو حکومت صحافیاں دے آئینی و پیشہ ورانہ حقوق دے تحفظ کیتے اپݨی حمایت جاری رکھیسی تے میڈیا دے مثبت کردار کوں مزید تکڑا بݨاوݨ کیتے ہر ممکن تعاون ݙتا ویسے ۔ انہاں زور ݙتا جو آزاد، باخبر تے ذمہ دار صحافت قومی ترقی، جمہوری استحکام تے عوامی شعور دے ودھارے سانڳے ناگزیر اے۔ سید یوسف رضا گیلانی مزید آکھیا جو پارلیمنٹ ہمیشہ صحافی برادری دے نال کھڑے تھی تے انہاں دے حقوق، تحفظ تے سلامتی کیتے مؤثر قانون سازی کیتی اے تے اے سلسلہ اڳوں وی جاری رہسی۔ انہاں ایں عزم دا اعادہ کیتا جو حکومت آزادیِ صحافت تے یقین رکھیندی اے تے ایندے ودھارے کیتے سنجیدہ اقدامات جاری رکھیسی۔
