اسلام آباد۔ 18 مارچ (اے پی پی) وزیراعظم محمد شہباز شریف کویت نال یکجہتی دا اظہار کریندے اختلافاں کوں مذاکرات تے سفارتکاری دے ذریعے حل کرݨ تے زور ݙتے۔ وزیراعظم دفتر دے میڈیا ونگ توں ٻدھ کوں جاری تھیوݨ الے بیان موجب وزیراعظم محمد شہباز شریف تے کویت دے ولی عہد شیخ صباح الخالد الحمد المبارک الصباح دے درمیان ٹیلیفون تے ڳالھ مہاڑ تھئی جیندے دوران ݙوہیں رہنماواں عیدالفطر دے …
وزیراعظم تے کویت دے ولی عہد دے وچال ٹیلیفونک ڳالھ مہاڑ، سانجھے رابطے جاری رکھݨ تے اتفاق
مزید خبراں
اسلام آباد۔ 18 مارچ (اے پی پی) وزیراعظم محمد شہباز شریف کویت نال یکجہتی دا اظہار کریندے اختلافاں کوں مذاکرات تے سفارتکاری دے ذریعے حل کرݨ تے زور ݙتے۔ وزیراعظم دفتر دے میڈیا ونگ توں ٻدھ کوں جاری تھیوݨ الے بیان موجب وزیراعظم محمد شہباز شریف تے کویت دے ولی عہد شیخ صباح الخالد الحمد المبارک الصباح دے درمیان ٹیلیفون تے ڳالھ مہاڑ تھئی جیندے دوران ݙوہیں رہنماواں عیدالفطر دے پرمسرت موقع تے مبارخ دا تبادلہ کیتا تے پاکستان و کویت دے عوام دے نال نال پوری امتِ مسلمہ کیتے امن، خوشحالی تے فلاح و بہبود کیتے نیک تمناواں دا اظہار کیتا۔ وزیراعظم محمد شہباز شریف کویت دے امیر شیخ مشعل الاحمد الجابر الصباح کیتے نیک خواہشاں تے احترام دا اظہار کیتا۔ انہاں ہک وار ول کویت تے حملیں دی شدید الفاظ اچ مذمت کیتی تے قیمتی جاناں دے ضیان تے اظہارِ افسوس کریندے زخمیاں دی وقتی صحت یابی کیتے دعا کیتی۔ وزیراعظم محمد شہباز شریف کویت دے بھرا عوام دے نال پاکستان دی یکجہتی تے حمایت دا اظہار کیتا۔ انہاں سارے علاقائی ملکاں کوں امن و استحکام برقرار رکھݨ تے سارے اختلافات کوں مذاکرات تے سفارتکاری دے ذریعے حل کرݨ کیتے رل تے کم کرݨ دی لوڑھ تے زور ݙتا۔ پاکستان تے کویت وچال مضبوط تاریخی برادرانہ تعلقات دا اعادہ کریندے وزیراعظم کویت دے ولی عہد کوں اپݨی سہولت موجب پاکستان دا سرکاری دورہ کرݨ دی دعوت دا اعادہ کیتا۔ ݙوہیں رہنماواں رابطے اچ رہݨ تے اتفاق کیتا۔
