پاک فوج دی پاک-افغان سرحد تے شمالی وزیرستان اچ کارروائی، ٻہوں سارے افغان طالبان جہنم واصل

راولپنڈی۔ 18 مارچ (اے پی پی) پاک-افغان سرحد تے شمالی وزیرستان اچ پاک فوج وقتی کارروائی کریندے دراندازی دی ہک ٻہوں وݙی کوشش ناکام بݨا ݙتی اے، ٻہوں سارے افغان طالبان جہنم واصل تھی ڳئن جݙاں جو باقی پوسٹاں چھوڑ تے بھڄ ڳئن۔ جنوبی وزیرستان سیکٹر اچ شوال توں زرملان تئیں افغان طالبان دی ساری پوسٹاں کوں موثر طریقے نال تباہ کیتا ڳیا۔ سکیورٹی ذرائع موجب افغان طالبان تے فتنہ الخوارج دے خلاف پاک فوج دی منہ بھن تے موثر کارروائیاں جاری ہن۔ پاک-افغان سرحد تے شمالی وزیرستان اچ پاک فوج وقتی کارروائی کریندے دراندازی دی وݙی کوشش ناکام بݨا ݙتی۔ شمالی وزیرستان اچ موازکلے دے سرحدی علاقے اچ افغان طالبان دراندازی دی منصوبہ بندی کریندے پئے ہن۔ پاک فوج دی موثر کارروائی دے دوران متعدد افغان طالبان جہنم واصل تھی ڳئے جݙاں جو ٻئے پوسٹاں چھوڑ تے فرار تھی ڳئے۔ پاک فوج افغان طالبان تے فتنہ الخوارج دے کمپاؤنڈ تے ٹھکاݨیں کوں نشانہ بݨا تے مکمل تباہ کر ݙتا۔ پاک فوج پاک-افغان سرحد تے جنوبی وزیرستان سیکٹر اچ افغان طالبان دی پوسٹاں کوں نشانہ بݨایا۔ سکیورٹی ذرائع دے مطابق جنوبی وزیرستان سیکٹر اچ شوال توں زرملان تئیں افغان طالبان دیاں ساریاں پوسٹاں کوں موثر طریقے نال تباہ کیتا ڳیا۔ پاک فوج دی بھرپور کارروائیاں نال افغان طالبان پسپائی دا شکار تھی تے بھڄݨ تے مجبور ہن۔ سکیورٹی ذرائع آکھیے جو آپریشن “غضب للحق” اپݨے ہدف دے مکمل حصول تئیں جاری رہسی۔