نائب وزیراعظم اسحاق ڈار دی ریاض اچ آذربائیجان دے وزیرِ خارجہ نال ملاقات

اسلام آباد۔ 19 مارچ (اے پی پی) نائب وزیراعظم و وزیرِ خارجہ سینیٹر محمد اسحاق ڈار گزریل ݙینھ ریاض اچ مشاورتی وزارتی اجلاس دے موقع تے آذربائیجان دے وزیرِ خارجہ جیہون بیراموف نال ملاقات کیتی۔ دفترِ خارجہ موجب ݙوہیں رہنماواں بدلدی ہوئی علاقائی صورتحال تے ڳالھ مہاڑ کیتی تے سانجھی دلچسپی دے سارے شعبیں اچ ݙو طرفہ تعلقات کوں مزید مضبوط بݨاوݨ کیتے مشترکہ عزم دا اعادہ کیتا