افغان طالبان رجیم دا آپریشن غضب للحق دی عارضی معطلی دی خلاف ورزی دا دعویٰ مضحکہ خیز اے، فیکٹ چیکر، وزارتِ اطلاعات

اسلام آباد۔ 20 مارچ (اے پی پی) وزارتِ اطلاعات و نشریات افغان طالبان رجیم دے نام نہاد ترجمان دے آپریشن غضب للحق دی عارضی معطلی دی خلاف ورزی متعلق دعوے کوں مضحکہ خیز قرار ݙتے۔ سماجی رابطے دے پلیٹ فارم ”ایکس“ تے آپݨی ہک پوسٹ اچ فیکٹ چیکر وزارتِ اطلاعات و نشریات افغان طالبان حکومت دی نام نہاد وزارتِ دفاع/ترجمان دے ایں دعوے کوں بے بنیاد قرار ݙتے جو پاکستان عیدالفطر دے پیشِ نظر خود آپݨی طرفوں کیتے ڳئے عارضی وقفے دی خلاف ورزی کیتی اے۔بیان اچ آکھیا ڳئے جو پاکستان دی طرفوں مغربی سرحد تے سیز فائراچ عارضی وقفے دی کوئی خلاف ورزی کائنی کیتی ڳئی، ایجھے سارے دعوے سراسر بے بنیاد تے غلط ہن۔ بیان اچ مزید آکھیا ڳئے جو ایں طرح دا پروپیگنڈا شاید طالبان رجیم دے اندر موجود مخالفین دی طرفوں شروع کیتا ونڄ سڳدے جیندے مقصد افغان طالبان رجیم دی طرفوں دہشت گردی دی کارروائیاں دا جواز پیدا کرݨ اے۔ ایں ڳالھ توں قطع نظرجو پروپیگنڈا تے کوڑے دعوے کئیں شروع کیتے، پاکستان پہلے ای واضح کرچکے جو افغان طالبان حکومت تے ایندی پراکسیز دی طرفوں کہیں وی دہشت گردی، سرحد پار حملے یا ڈرون حملے وغیرہ دی صورت اچ سیز فائر اچ عارضی وقفہ وقتی طور تے ختم تھی ویسی تے”آپریشن غضب للحق“ از سرِ نو بھرپور شدت دے نال ول شروع کر ݙتا ویسی، جیندے نال دہشت گرداں دا خاتمہ تھیسی۔