اسلام آباد۔ 20 مارچ (اے پی پی) نائب وزیرِاعظم تے وزیرِخارجہ سینیٹر محمد اسحاق ڈار مدینہ منورہ دا دورہ کیتا تے مسجدِ نبوی اچ حاضری ݙے تے نماز ادا کیتی۔ سوشل میڈیا پلیٹ فارم ایکس تے جاری بیان اچ نائب وزیرِاعظم آکھیا جو 12 وزرائے خارجہ دے مشاورتی وزارتی اجلاس اچ شرکت تے ایندے نال نال مختلف ݙوطرفہ تے چہار فریقی ملاقاتاں دے بعد میں گزریل رات مغرب توں پہلے …
نائب وزیراعظم تے وزیرِ خارجہ اسحاق ڈار دی مسجدِ نبوی اچ حاضری
مزید خبراں
اسلام آباد۔ 20 مارچ (اے پی پی) نائب وزیرِاعظم تے وزیرِخارجہ سینیٹر محمد اسحاق ڈار مدینہ منورہ دا دورہ کیتا تے مسجدِ نبوی اچ حاضری ݙے تے نماز ادا کیتی۔ سوشل میڈیا پلیٹ فارم ایکس تے جاری بیان اچ نائب وزیرِاعظم آکھیا جو 12 وزرائے خارجہ دے مشاورتی وزارتی اجلاس اچ شرکت تے ایندے نال نال مختلف ݙوطرفہ تے چہار فریقی ملاقاتاں دے بعد میں گزریل رات مغرب توں پہلے مدینہ منورہ پڄا۔ انھاں آکھیا جو مدینہ منورہ پڄݨ تے جبلِ احد تے حاضری ݙتی تے مسجدِ نبوی اچ روضہ رسولﷺ تے سلام پیش کیتا۔نائب وزیرِاعظم آکھیا جو انھاں پاکستان دے امن و خوشحالی، قوم دی مسلسل ترقی تے فلاح و بہبود کیتے خصوصی دعائیں کیتیاں۔ اسحاق ڈار آکھیا جو انھاں امتِ مسلمہ وچال قوت، اتحاد تے استقامت کیتے وی دعا کیتی تے انھاں اوکھے حالات اچ عالمی برادری وچال دانشمندی تے تعاون دے ودھارے دے نال نال دیرپا امن تے مشترکہ خوشحالی نصیب تھیوے۔
